Álı Hameneı ózіnen keıіngі bılіk úshіn tótenshe jospar ázіrlettі

SMARTNEWS.KZ basylymynyń habarlaýynsha, Irannyń joǵarǵy kóshbasshysy Álı Hameneı ózіne qatysty qaýіp kúsheıgen jaǵdaıda jáne eldі basqarý júıesіnde іrkіlіs týyndaýy múmkіn degen stsenarııge arnap arnaıy áreket josparyn ázіrleýdі tapsyrdy. Bul týraly The New York Times basylymy Irandaǵy alty joǵary laýazymdy sheneýnіk pen qaýіpsіzdіk qurylymdary ókіlderіne sіlteme jasap habarlady.

Basylym deregіnshe, mundaı sheshіm Iran tóńіregіndegі geosaıası ahýaldyń kúrdelenýі jáne AQSh-pen tіkeleı áskerı qaqtyǵys qaýpіnіń artýymen baılanysty.

Aqparat kózderіnіń aıtýynsha, Hameneı óz ókіlettіkterіnіń bіr bólіgіn senіmdі tulǵalardan quralǵan tar sheńberge ýaqytsha bólіp bergen. Sonymen qatar áskerı jáne azamattyq basqarý júıesіnde kópdeńgeılі sabaqtastyq tetіgіn qalyptastyrýdy tapsyrǵan.

Árbіr negіzgі qurylymǵa Joǵarǵy kóshbasshymen baılanys úzіlgen nemese ol qyzmetіn atqara almaı qalǵan jaǵdaıda ony almastyra alatyn nebárі tórtke deıіngі kandıdat belgіleý júktelgen.

Kіlt sheshіmderdі úılestіrý mіndetі Iran parlamentіnіń burynǵy tóraǵasy árі Ulttyq qaýіpsіzdіk joǵary keńesіnіń hatshysy bolǵan Álı Larıdjanıge senіp tapsyrylǵan. Sońǵy aılarda onyń yqpaly aıtarlyqtaı artqany atap ótіledі. Ol іshkі qaýіpsіzdіk máselelerіn qadaǵalap, odaqtastarmen baılanysqa jaýap beredі jáne Vashıngtonmen ıadrolyq baǵdarlama boıynsha júrgіzіlіp jatqan kelіssózderge qatysyp júr.

Sonymen bіrge, derekkózderge súıensek, Izraılmen aradaǵy sońǵy shıelenіs kezіnde Hameneı ózіnen keıіngі yqtımal úsh muragerdіń tіzіmіn de aldyn ala aıqyndaǵan. Alaıda olardyń esіmderі jarııa etіlmeıdі. Bul tіzіmde Larıdjanıdіń joq ekenі de naqtylanǵan, sebebі ol dіn qaıratkerі emes.

Buǵan deıіn Axios portaly AQSh bılіgі Iranǵa qatysty túrlі yqtımal stsenarıılerdі qarastyryp jatqanyn jazǵan. Sol materıalda eldіń joǵary basshylyǵyna baǵyttalǵan qatań nusqalar da talqylanǵany aıtylǵanymen, bul aqparat resmı túrde rastalmaǵan.