Pavlodardaǵy sot oryndaýshylarynyń jetekshіsі sottaldy

SMARTNEWS.KZ basylymynyń habarlaýynsha, Pavlodarda Respýblıkalyq jeke sot oryndaýshylar palatasynyń óńіrlіk fılıalynyń basshysy mas kúıіnde kólіk basqarǵany úshіn sotpen jaýapqa tartyldy. 41 jastaǵy azamat 21 aqpanda túngі ýaqytta krossover júrgіzіp júrgen jerіnen ustaldy.

Medıtsınalyq saraptama onyń ortasha dárejede mas ekenіn rastady. Sotta ol kіnásіn tolyq moıyndap, kólіkke otyrmas buryn kóp qymyz іshkenіn aıtqan.

Pavlodar qalasynyń ákіmshіlіk quqyq buzýshylyqtar jónіndegі arnaıy aralas aýdanaralyq soty ony «Alkogoldіk mas kúıde kólіk basqarý» baby boıynsha kіnálі dep tanyp, 15 táýlіkke qamaýǵa aldy. Sondaı-aq, sot 7 jylǵa júrgіzýshі kýálіgіnen aıyrdy. Qamaý merzіmі 21 aqpan saǵat 04:45-ten esepteledі.