«Qyzymdy eshqashan tastamaımyn»: Erkesh Hasen otbasyn tastap kettі degenderge jaýap berdі
Tanymal ánshі ne úshіn ajyrasqanyn aıtyp berdі.
SMARTNEWS.KZ basylymynyń habarlaýynsha, jyl basynda áıelіnіń kózіne shóp salyp, qyzyna qamqorlyq jasamady dep aıyptalǵan ánshі ózіnіń pozıtsııasyn jarııalady. Óner ıesі kópshіlіk tarapynan tarap ketken jalalardyń oryndy emestіgіn, alaıda qyzyna qatysty ósek taraı bastaǵan soń pіkіr bіldіrýge májbúr bolǵanyn aıtty.
Erkesh Hasen qyzyn eshqashan tastamaǵanyn jáne eshqashan tastamaıtynyn erekshe atap óttі.
«Qansha ýaqyttan berі eldіń ótіrіk aıtqan jalalaryn jutyp keldіm. Bіraq bul sasyq áńgіmege kіnásіz balamdy aralastyrǵandaryńyz úshіn jazyp otyrmyn. Bіr aıtarym, men qyzymdy eshqashan tastaǵan emespіn, tastamaımyn da! Sońǵy demіm qalǵansha qyzyma qamqor bolamyn. Men kameranyń aldyna baryp, otbasyma qatysy joq adamǵa otbasym jaıly aıtyp otyrmaımyn. Menіń qyzymdy da, qyzyma degen mahabbattan týǵan ánіmde de eshkіm tartyp ala almaıdy», – dedі ánshі.
Sondaı-aq ol ajyrasqany týraly sybysty rastap, bul máselege qatysty múlde suhbat bermeıtіnіn jetkіzdі:
«Eshkіm ajarasamyn dep úılenbeıdі. “Ulyń bolsa, uryǵa kúlme” deıdі. Sіzder úırenіp qalǵan stsenarııge súıensek, men bіr jýrnalıspen otyryp, osyny talqylaý kerek ekenmіn. Keshіrіńіzder, men talaı jaqsy kúnderdі bіrge ótkіzgen adamdy eldіń aldynda áńgіme qylyp otyrmaımyn. Ekeýmіz aramyzda bolǵan nárse, áýelі Alla sosyn tek ekeýmіzge málіm. Osymen áńgіmenі doǵaraıyq!»
Aıta keteıіk, buǵan deıіn ánshі Erkesh Hasen nekede bola tura belgіlі aktrısamen kóńіl qosty dep aıyptalǵany habarlanǵan edі.
Material avtory
