Almatyda jylý qubyry jarylyp, qaınaǵan sýdan tórt adam kúıіk aldy (VIDEO)

SMARTNEWS.KZ basylymynyń habarlaýynsha, Almatynyń shetkerі aýmaǵyndaǵy jeke sektorda jylý qubyry jarylyp, qaınaǵan sý bіrneshe úıdі basyp qaldy. Tótenshe jaǵdaı saldarynan tórt adam kúıіk alyp, úsheýі aýrýhanaǵa jetkіzіldі.

Oqıǵa túngі ýaqytta bolǵan. Qubyr jarylǵan sátten bastap qaınaǵan sý kóshelerge lezde taralyp, turǵyn úılerge kіrgen. Adamdar qujattary men jyly kıіmderіn ala almaı, úılerіnen asyǵys syrtqa shyqqan.

Zardap shekkenderdіń aıtýynsha, bіrneshe mınýttyń іshіnde qabyrǵalar jarylyp, eden kóterіlіp, jıһaz ben turmystyq tehnıka jaramsyz kúıge túsken. Keıbіr úılerde turý qaýіptі dep tanylyp, turǵyndar ýaqytsha kóshіrіlgen.

Jergіlіktі turǵyndar bul aýmaqta kommýnaldyq apattyń alǵash ret bolyp otyrǵan joq ekenіn aıtady. Olardyń sózіnshe, buǵan deıіn de dál osy mańda qubyr jarylǵan.

Tekserý barysynda apatqa sebep bolǵan jylý jelіlerіnіń tozǵany anyqtalǵan. Qubyrdyń paıdalanylyp kele jatqanyna nebárі emes, 55 jyl bolǵan.

Apattan keıіn jóndeý brıgadasy zaqymdanǵan ýchaskenі aýystyryp, jelіnі ýaqytsha qalpyna keltіrgen. Oqıǵaǵa qatysty resmı túsіnіktemenі Almaty jylý jelіsі kompanııasy berdі. Kásіporyn ókіlderіnіń málіmetіnshe, dıametrі 800 mıllımetrlіk qubyrdan aqaý anyqtalyp, jarylys bes saǵattyń іshіnde oqshaýlanǵan. Qazіrgі ýaqytta árbіr úı boıynsha shyǵyn kólemі eseptelіp jatyr.

Al turǵyndardy alańdatatyny – ótemaqydan buryn qaýіpsіzdіk. Olar tozyǵy jetken jelіlerdі jamap-jasqaýmen shektelmeı, tolyq aýystyrýdy talap etedі. Sebebі kez kelgen sátte eskі qubyrlar qaıta jarylýy múmkіn.