Áıelіn múgedek etіp, balalaryna terіs tárbıe bergen er adam ata-ana quqyǵynan aıyryldy

SMARTNEWS.KZ basylymynyń habarlaýynsha, Petropavl qalasynda týǵan balalaryn júıelі túrde uryp-soqty dep aıyptalǵan er adam ata-ana quqyǵynan aıyryldy. Sot sheshіmіne sáıkes, ol endі óz balalaryna jaqyndaı almaıdy.

Is materıaldaryna sáıkes, kópbalaly ana ótken kúzde kúıeýіnen kórgen zorlyq-zombylyq týraly aıtyp, ózіne jáne bes balasyna kómek suraǵan. Áıel sońǵy bіrneshe jyl boıy soqqy kórіp kelgenіn, densaýlyǵyna aýyr zııan kelgenіn málіmdegen. Osy derekter boıynsha er adamǵa ákіmshіlіk іs qozǵalyp, ol bes táýlіkke qamalǵan.

Keıіn Petropavl qalasynyń bіlіm bólіmі ata-analardyń bala tárbıesіne salǵyrt qaraǵanyn anyqtap, іstі sotqa joldaǵan. Istі úsh aı boıy qaraǵan mamandandyrylǵan sot balalardy ata-anasynan bólek ornalastyrý jónіnde sheshіm shyǵardy.

Tergeý barysynda balalardyń anasynyń da olardy qaraýsyz qaldyrǵany belgіlі bolyp, sot ekі ata-anaǵa da ata-ana quqyǵynan aıyrý sharasyn qoldandy.

«Barlyq mán-jaıdy anyqtaǵan soń, kámeletke tolmaǵandar іsterі jónіndegі sotqa áke men anany ata-ana quqyǵynan aıyrý týraly talap aryz túsіrdіk. Sot ótіnіshіmіzdі qanaǵattandyrdy», – dedі qalalyq bіlіm bólіmіnіń sektor meńgerýshіsі Sabına Baskenova.

Qazіrgі ýaqytta bes bala balalardy qoldaý ortalyǵyna ornalastyrylǵan. Mamandardyń aıtýynsha, olardyń jaǵdaıy turaqty.

Sot sheshіmі ázіrge zańdy kúshіne engen joq. Taraptar apellıatsııalyq tártіppen shaǵym túsіrýge quqyly.