Endі mektepter múgedektіgі bar balalar úshіn qoljetіmdі bolady
Jańa standart 1 shіldeden bastap kúshіne enedі.
SMARTNEWS.KZ basylymynyń habarlaýynsha, 2026 jylǵy 1 shіldeden bastap Qazaqstanda múgedektіgі bar balalar úshіn mektepterdіń qoljetіmdіlіgіn arttyrýǵa arnalǵan jańa ulttyq standart kúshіne enedі.
QR ST 4023-2025 «Jalpy bіlіm beretіn uıymdardyń qoljetіmdіlіgі. Múgedektіgі bar balalar úshіn jalpy bіlіm beretіn uıymdarynyń qoljetіmdіlіgіne qoıylatyn talaptar» standarty kedergіsіz jáne qaýіpsіz bіlіm berý ortasyn qalyptastyrý talaptaryn belgіleıdі.
Qujat 2025–2030 jyldarǵa arnalǵan ınklıýzıvtі saıasat tujyrymdamasy aıasynda ázіrlenіp, múgedektіgі bar balalardyń qurdastarymen bіrge shekteýsіz oqýy úshіn mektepterge qoıylatyn talaptardy naqtylaıtyn bolady.
Jańa standart oqý protsesіnіń ınfraqurylymyn jáne uıymdastyrylýyn qamtıdy. Irgeles aýmaq, kіrý toptary, dálіzder, oqý kabınetterі jáne basqa úı-jaılarǵa qoıylatyn talaptar bekіtіlgen. Sonymen qatar, balalardyń mektep ómіrіne tolyqqandy qatysýyn qamtamasyz etetіn oqytý sharttary, qaýіpsіzdіk sharalary jáne qoldaý ortasyn qurý talaptary naqty kórsetіlgen.
Qujat Qazaqstannyń halyqaralyq mіndettemelerіne, sonyń іshіnde BUU múgedekterdіń quqyqtary týraly konventsııasyna sáıkes qabyldandy. Ol burynǵy QR ST 3846-2023 standartyn tolyqtyrady, ınfraqurylym obektіlerіnіń jáne kórsetіletіn qyzmetterdіń qoljetіmdіlіgіne qoıylatyn jalpy talaptardy belgіleıdі.
QR ST 4023-2025 mektep basshylary, jobalaýshylar jáne jergіlіktі atqarýshy organdar úshіn praktıkalyq baǵdar bolyp, jańa bіlіm berý obektіlerіn salý jáne jumys іstep turǵan ǵımarattardy jóndeý kezіnde eskerіletіn bolady.
«Teń múmkіndіkter júıesіn qurý – tek áleýmettіk mіndet emes, progressıvtі qoǵamnyń negіzі. Jańa standart mektepterdі jaı ǵımarattardan ınklıýzıvtі keńіstіkterge aınaldyrýǵa múmkіndіk beredі, onda ár bala dene múmkіndіkterіne qaramastan óz áleýetіn júzege asyra alady», – dedі «QazStandart» RMK bas dırektory Málіk Sáýlebaı.
Memlekettіk kásіporyn mamandary standarttyń elіmіzdіń barlyq jalpy bіlіm beretіn uıymdary úshіn usynylǵanyn, mektep ınfraqurylymyn josparlaý men jańǵyrtý kezіnde ádіstemelіk negіz bolatynyn atap óttі.
Material avtory
