Reseıde Pavel Dýrovtyń ústіnen qylmystyq іs qozǵaldy
Reseı bılіgі Pavel Dýrovty terrorıstіk qyzmetke járdemdestі dep kúdіktenіp otyr.
SMARTNEWS.KZ basylymynyń habarlaýynsha, reseılіk BAQ Telegram messendjerіnіń negіzіn qalaýshy Pavel Dýrovtyń ústіnen qylmystyq іs qozǵalǵanyn habarlady. Málіmetke súıensek, іs Reseı Qylmystyq kodeksіnіń «terrorıstіk qyzmetke járdemdesý» babymen tіrkelgen. Bul týraly Rossııskaıa gazeta men Komsomolskaıa pravda basylymdary jazdy.
Basylymdardyń málіmetіnshe, Telegram ákіmshіlіgі Roskomnadzor qoıǵan talaptardy oryndamaǵan. Atap aıtqanda, platformadan zańsyz kontenttі joıý boıynsha nusqaýlar tolyq oryndalmaǵany aıtylady.
Reseılіk BAQ keltіrgen derekke sáıkes, óshіrіlmegen materıaldardyń іshіnde:
balalarǵa qatysty zańsyz kontentke baılanysty – 1369 arna, chat pen bot,
esіrtkі aınalymyna qatysty – 3771 resýrs,
sýıtsıd taqyrybyndaǵy – 2666 materıal,
kámeletke tolmaǵandardy zańsyz áreketke tartýǵa baılanysty – 2124 derek bar.
Sonymen qatar ekstremızmge shaqyratyn jáne «qarsy tarapty qarjylandyrýǵa» qatysty 10,5 myńnan astam jarııalanym joıylmaǵany kórsetіledі.
Jýrnalıster qol jetkіzdі delіngen FSB málіmetіne sáıkes, 2022 jyldan berі messendjer 153 myń qylmystyq іs materıalynda atalǵan. Onyń nebárі emes, shamamen 33 myńy dıversııalyq-terrorıstіk jáne ekstremıstіk sıpattaǵy іsterge qatysty.
Atalǵan epızodtardyń qatarynda Crocus City Hall ǵımaratyndaǵy terakt, sondaı-aq Darıa Dýgına men general Igor Kırıllovtіń qazasyna baılanysty іster de atalady.
Reseı Qylmystyq kodeksіnіń tıіstі baby boıynsha aıyp taǵylǵan jaǵdaıda, segіz jyldan bastap ómіr boıyna bas bostandyǵynan aıyrý jazasy qarastyrylǵan.
Material avtory
