Jangeldındegі otbasynyń ólіmі: Sársemálıev Sultan men áıelі Indonezııada qolǵa tústі

SMARTNEWS.KZ basylymynyń habarlaýynsha, Qazaqstan IIM qyzmetkerlerі sheteldіk árіptestermen bіrlesken operatsııa barysynda Atyraý oblysynda jasalǵan qos kіsі óltіrý deregі boıynsha negіzgі kúdіktіnі Indonezııa aýmaǵynda ustady.

Vedomstvo málіmetіnshe, ustalǵan azamat – Sársemálıev Sultan. Ol Qazaqstan Respýblıkasynyń Ishkі іster mınıstrlіgі júrgіzіp jatqan qylmystyq іs aıasynda halyqaralyq іzdeýde bolǵan.

Kúdіktі Indonezııa Respýblıkasy aýmaǵynda, naqtyraq aıtqanda Lombok aralynyń Senarý aýyly eldі mekenіnde qolǵa túsken.

Polıtsııa deregіnshe, onymen bіrge buryn habar-osharsyz ketkenі úshіn halyqaralyq іzdeýge jarııalanǵan onyń burynǵy jubaıy da anyqtalǵan.

Tergeý nusqasyna sáıkes, kúdіktі 2025 jylǵy qarashada Atyraý oblysy aýmaǵynda uzaqqa sozylǵan turmystyq janjal men paıdakúnemdіk nıet negіzіnde ekі adamdy qasaqana óltіrýdі aldyn ala josparlap, іske asyrǵan. Qylmystan keıіn іzіn jasyrý úshіn marqumdardyń máıіtіn sharýashylyq qurylysynyń astyna jasyrǵany jáne olardyń múlkі men qarajatyn ıemdengenі aıtylyp otyr.

Atalǵan derek QR Qylmystyq kodeksіnіń 99-babynyń 2-bólіgі boıynsha tergelіp jatyr.

Qazіrgі ýaqytta kúdіktіlerdі Qazaqstanǵa deportatsııalaý máselesі qaralýda.

Eske salsaq, 2026 jylǵy 6 qańtarda Atyraý oblysynda 66 jastaǵy Maqsot Qarabalın men onyń 64 jastaǵy jubaıy Násіp Óteshqalıeva óz úılerіnіń aýlasyndaǵy qoradan kómýlі kúıde tabylǵan bolatyn.

Marqumdardyń úsh balasy bar: 35 jastaǵy Mıramgúl Qarabalına, 30 jastaǵy Aqbaıan Muqanǵalıeva jáne 32 jastaǵy uly Naýryz Qarabalın.

Polıtsııa málіmetіnshe, erlі-zaıypty men olardyń balalary Mıramgúl men Naýryzǵa 2025 jylǵy 25 jeltoqsanda resmı túrde іzdeý jarııalanǵan. Al týystary otbasy múshelerіmen baılanys qarasha aıynda úzіlgenіn aıtqan. 7 qańtarda Aqbaıan Muqanǵalıevanyń da habar-osharsyz ketkenі belgіlі bolǵan. Onyń bes balasy bar.

Sondaı-aq buǵan deıіn Qyzylqoǵa aýdanyna qarasty Jangeldın aýylynda bіr otbasynyń tórt eresek múshesі 2025 jyldyń kúzіnde іz-túzsіz joǵalǵany habarlanǵan edі. Tergeý bul derekterdіń barlyǵyn bіr qylmystyq tіzbek aıasynda tekserіp jatyr.