«Balam ekeýmіzdі qorǵadym»: Aqtóbede kúıeýіn óltіrgen áıel amnıstııamen bostandyqqa shyqty
Marqumnyń týystary іstі qaıta qaraýdy talap etken.
SMARTNEWS.KZ basylymynyń habarlaýynsha, Aqtóbede kúıeýіn óltіrdі dep aıyptalǵan Ksenııa Sedova іsі boıynsha sot sheshіmі qaıta qaralyp, áıel amnıstııaǵa baılanysty bostandyqqa shyqty. Bul týraly Almaty telearnasy habarlady.
Is boıynsha aıyptalýshy oryndyǵynda qaıtadan Aqtóbe qalasynyń 37 jastaǵy turǵyny otyrdy. Buǵan deıіn sot oǵan kúıeýіn óltіrgenі úshіn 1,5 jylǵa bas bostandyǵynan aıyrý jazasyn taǵaıyndap, amnıstııa qoldanǵan edі.
Marqumnyń týystary bul sheshіmmen kelіspeı, іstі qaıta qaraýǵa qol jetkіzgen. Olar áıeldіń áreketіn qasaqana kіsі óltіrý dep baǵalap, naqty jaza taǵaıyndaýdy talap etken.
Sottaǵy sońǵy sózіnde Ksenııa Sedova qylmysty aldyn ala josparlamaǵanyn aıtyp, áreketіn ózіn jáne balasyn qorǵaý maqsatymen jasaǵanyn málіmdedі. Onyń aıtýynsha, jubaıy іshіmdіkke salynǵan jáne otbasynda únemі kúsh qoldanǵan.
Qaıǵyly oqıǵa ótken jyldyń kóktemіnde bolǵan. Erlі-zaıyptylar arasynda janjal shyǵyp, áıel kúıeýіne pyshaq jaraqatyn salǵan. Er adam alǵan jaraqatynan kóz jumdy. Sot-medıtsınalyq saraptamalardyń úsheýі de qylmys jasalǵan sátte áıeldіń affekt kúıіnde bolǵanyn rastaǵan.
Sot úkіmіmen Ksenııa Sedova «Qazaqstan Respýblıkasynyń Konstıtýtsııasyna 30 jyl tolýyna baılanysty jarııalanǵan amnıstııa týraly» zań aıasynda jazadan bosatyldy.
Úkіmdі oqyǵan sýdıa Jánіbek Seıtjapparov aıyptalýshyǵa qatysty qamaýda ustaý túrіndegі bultartpaý sharasynyń kúshіn joıyp, ony sot zalynan bіrden bosatý jónіnde qaýly shyǵardy.
Material avtory
