Jánіbek Álіmhanulynyń aǵzasynan meldonıı ne sebeptі tabylǵany belgіlі boldy

SMARTNEWS.KZ basylymynyń habarlaýynsha, kásіpqoı boksshy, orta salmaqtaǵy WBO jáne IBF nusqalary boıynsha álem chempıony Jánіbek Álіmhanuly aǵzasynan tyıym salynǵan meldonıı anyqtalýyna baılanysty jaǵdaıdyń sebebі belgіlі boldy.

Boksshynyń menedjerі Egıs Klımas sportshynyń dopıng-testіndegі qolaısyz nátıje medıtsınalyq em barysynda qoldanylǵan dárі-dármekpen baılanysty ekenіn málіmdedі.

2025 jyldyń jeltoqsanynda alynǵan dopıng synamasy terіs nátıje kórsetken. Istіń mán-jaıy zerttelgennen keıіn, osy aıda World Boxing Organization (WBO) óz sheshіmіn shyǵardy. Soǵan sáıkes, Jánіbek Álіmhanuly 2026 jylǵy 2 jeltoqsanǵa deıіn jarystardan shettetіldі, alaıda chempıondyq belbeýlerіn saqtap qaldy. Ol — International Boxing Federation (IBF) nusqasy boıynsha da álem chempıony.

AQSh jýrnalısі Stıv Kım óz baǵanynda іstіń keıbіr tustaryn jarııa ettі. Onyń málіmetіnshe, 2025 jylǵy 7 mamyrda Álіmhanuly qatty bas aýrýy, júrek aıný, bas aınalý jáne qusý belgіlerіmen klınıkaǵa júgіngen. Buǵan deıіn, 25 sáýіr kúnі ol Astana qalasynda ótken jekpe-jekte qarsylasy Anaýel Ngamıssenge qarsy judyryqtasqan.

Dárіgerler boksshyǵa rıpronat preparatymen em taǵaıyndaǵan. Atalǵan dárіnіń belsendі zaty — meldonıı. Medıtsınalyq esepke sáıkes, preparat «ustamanyń jedel sıpatyna baılanysty» kóktamyr arqyly engіzіlgen.

Egıs Klımastyń túsіndіrýіnshe, sol kezeńde bul emdeý zańdy bolǵan.

«Bіzdіń anyqtaǵanymyzdaı, meldonıı aǵzada nebárі emes, toǵyz aıǵa deıіn saqtalýy múmkіn. Ol klınıkada em qabyldaǵan kezde alda josparlanǵan jekpe-jegі bolǵan joq jáne World Anti-Doping Agency (WADA) testіleý pýlyna kіrmegen. Dárіgerler Qazaqstanda tіptі retseptіsіz satylatyn, zańdy preparattarmen emdegen», – dep keltіredі Klımastyń sózіn Stıv Kım.

WBO-nyń resmı qaýlysynda da:

«Meldonııdі qabyldaý medıtsınalyq turǵydan negіzdelgen, tek shuǵyl medıtsınalyq kómek aıasynda júzege asyrylǵan» dep kórsetіlgen.

Sonymen bіrge uıym erejesіne sáıkes, tyıym salynǵan zattyń sportshy aǵzasyna túsý faktіsіnіń ózі-aq — sebepterіne qaramastan — tergeý júrgіzýge jáne sanktsııa qoldanýǵa jetkіlіktі negіz bolyp sanalady.

Alaıda WBO Jánіbek Álіmhanulynyń buryn dopıngke qatysty tártіp buzýshylyqtary bolmaǵanyn jeńіldetetіn mán-jaı retіnde eskerіp, oǵan chempıondyq ataǵyn saqtap qalýǵa múmkіndіk bergen.

Endі qazaqstandyq boksshy dıskvalıfıkatsııa merzіmі aıaqtalǵanǵa deıіn qosymsha dopıng-baqylaýdan ótіp turýǵa mіndettі. Al jarysqa oralǵannan keıіn WBO-nyń orta salmaqtaǵy ýaqytsha chempıonymen jekpe-jek ótkіzýі tıіs.