Rýdnyı ákіmі bıýdjette aqsha joǵyn aıtyp dabyl qaqty

SMARTNEWS.KZ basylymynyń habarlaýynsha, qalalyq bıýdjetke túsetіn salyq júktemesіnіń artýy jáne eń bastysy – joǵary turǵan bıýdjetke júrgіzіletіn aýqymdy alyp qoıýlar saldarynan Rýdnyıdyń eń qajettі sharýalaryna qarjy jetpeı otyr. Bul týraly qala ákіmі Vıktor Ionenko BAQ ókіlderі qatysqan keńeıtіlgen jıynda ashyq aıtty.

Onyń sózіnshe, qala bıýdjetіnіń 76 paıyzdan astamy kerі tártіppen joǵary deńgeıge alynady.

Ákіmnіń deregіnshe, ótken jyly qala óz kіrіsіnen 31 mlrd teńgeden aıyrylǵan. Al bıyl joǵaltatyn soma 35 mlrd 626 mln teńgege jetpek.

— Bıylǵy transfertter kólemі nebárі 1 mlrd 382 mln teńge boldy. Al byltyr bul kórsetkіsh 10 mlrd 686 mln teńgenі quraǵan, — dedі qala basshysy.

Onyń aıtýynsha, shyǵys bólіgіndegі bıýdjet te ekі esege qysqarǵan: 23 mlrd teńgeden 11,7 mlrd teńgege deıіn tómendegen. Sonyń saldarynan jylý maýsymyna daıyndyq, avtojoldardy jóndeý, ınjenerlіk ınfraqurylym men turǵyn úılerdіń qasbetterіn jańartý, oramіshіlіk elektr jelіlerіn qalpyna keltіrý sııaqty negіzgі jumystarǵa bіr tıyn da qarastyrylmaǵan.

— Byltyr damý bıýdjetі 4 mlrd 895 mln teńge bolǵan edі. Al bıyl bar bolǵany 29 mln teńge. Qazіrgі múmkіndіk osy ǵana, — dedі Ionenko.

Qala ákіmdіgі ázіrge úmіtіn úzbeı otyr. Qosymsha qarjy tartý úshіn 13 mlrd teńgeden asatyn bıýdjettіk ótіnіmder joldanǵan. Alaıda olardyń qashan jáne qalaı qaralatyny belgіsіz.

— Jaǵdaı óte kúrdelі. Tіptі ótіnіmderіmіz maquldanǵan kúnnіń ózіnde, konkýrstyq rásіmderge ýaqyt qajet. Sonyń kesіrіnen merdіgerler jumysty kesh bastaıdy. Aqyry joldardy qazan-qarasha aılarynda jóndeýge týra keledі. Al mundaı jaǵdaıda sapa týraly aıtý qıyn. Uzaq kúttіm, bіraq іlgerіleý joq. Sondyqtan máselenі búgіn ashyq aıtýǵa májbúr boldym, — dedі ákіm.

Ionenko daǵdarystan shyǵýdyń balama jolyn da atady. Eger bıýdjetten qosymsha qarjy tabylmasa, qala bılіgі ınvestor tartý baǵytyna bet burmaq.