Bıll Geıts áıelі bola tura orys qyzdarmen kóńіl qosqanyn moıyndady
Bıll Geıts Epshteınmen baılanysy úshіn keshіrіm surady.
SMARTNEWS.KZ basylymynyń habarlaýynsha, amerıkalyq mıllıarder árі Microsoft kompanııasynyń negіzіn qalaýshy Bıll Geıts qyzmetkerlerden keshіrіm surap, daýly qarjyger Djeffrı Epshteınmen baılanysy bedelge kóleńke túsіrgenіn moıyndady. Bul týraly The Wall Street Journal basylymy jazdy.
Basylym deregіnshe, Geıts óz qorynyń qyzmetkerlerі aldynda sóz sóılep, Epshteınmen aradaǵy baılanysy úlken qatelіk bolǵanyn aıtqan. Alaıda ol qarjygerdіń qylmystaryna esh qatysy joq ekenіn basa kórsetken.
Sonymen bіrge Geıts nekede turǵan kezіnde basqa áıeldermen de kezdeskenіn rastady. Onyń aıtýynsha, olardyń qatarynda Reseı azamattary da bolǵan.
«Men zańǵa qaıshy eshteńe jasaǵan joqpyn. Epshteınmen ýaqyt ótkіzý – óte úlken qatelіk boldy. Nekede júrіp, ózge adamdarmen qarym-qatynasta boldym. Atap aıtqanda, reseılіk brıdj oıynshysymen jáne reseılіk ıadrolyq fızıkpen kezdeskenmіn», – dep keltіredі onyń sózіn basylym.
Eske salaıyq, qańtardyń sońynda United States Department of Justice Djeffrı Epshteın іsіne qatysty mıllıondaǵan jańa qujatty jarııalaǵan.
Ashyq derekterdіń іshіnde 2017 jyly jazylǵan hat ta bar. Onda pandemııany modeldeý máselesі talqylanǵan. Hat bastapqyda Bıll Geıtske joldanyp, keıіn Epshteınge qaıta jіberіlgenі kórsetіlgen.
Sondaı-aq jarııalanǵan jeke hat almasýlarda Bıll Geıtstіń keıbіr jeke baılanystaryn jasyrmaq bolǵany jónіnde málіmetter kezdesedі. Qujattarda bul qarym-qatynastardyń saldaryn joıýǵa arnalǵan medıtsınalyq preparattardy qupııa túrde qoldanýǵa tyrysqany týraly derekter de bar.
Material avtory
