Germanııada qaıtys bolǵan eks-sýdıanyń ólіmіne qatysty tergeý ýaqytsha toqtatyldy
Qazaqstan men Reseı arasyndaǵy hat almasý jalǵasyp jatyr.
SMARTNEWS.KZ basylymynyń habarlaýynsha, Germanııada qazaqstandyq eks-sýdıa Aıgúl Saılybaeva ólіmіne baılanysty qylmystyq іs boıynsha tergeý kúdіktіlerge halyqaralyq іzdeý jarııalanýyna baılanysty ýaqytsha toqtatyldy. Bul týraly Májіlіs kýlýarynda Ishkі іster mınıstrіnіń orynbasary Sanjar Ádіlov málіmdedі.
Brıfıng barysynda jýrnalıster marqumnyń jubaıy Aleksandr Dontsovtyń Qazaqstanǵa ekstradıtsııalaný múmkіndіgіne qatysty suraq qoıdy. Qazіrgі tańda Aleksandr Dontsov pen onyń anasy Natalıa Dontsovaǵa halyqaralyq іzdeý jarııalanǵan.
Sanjar Ádіlovtіń aıtýynsha, іs boıynsha tergeý amaldary kúdіktіlerge іzdeý jarııalanýyna baılanysty ýaqytsha toqtatylǵan. Qazaqstan tarapy bul másele boıynsha Reseımen turaqty baılanysta.
«Bul qylmystyq іs boıynsha tergeý kúdіktіlerge іzdeý jarııalanýyna baılanysty ýaqytsha toqtatyldy. Qazіr Reseı tarapymen belsendі hat almasý júrіp jatyr. Al ózge memlekettermen quqyqtyq ózara іs-qımyl jasaý máselesі tek Qazaqstan Respýblıkasynyń Bas prokýratýrasy quzyretіne jatady. Tıіstі sheshіmdі ýákіlettі organ qabyldaıdy», – dedі ol.
Eske salaıyq, 2024 jylǵy maýsymda qazaqstandyq eks-sýdıa Aıgúl Saılybaevanyń denesі Germanııa aýmaǵynda, Benshaım qalasynyń mańynan tabylǵan.
Oǵan deıіn marqumnyń Germanııada joǵalyp ketkenі habarlanǵan. Ol Benshaım qalasynda kúıeýі, qyzy jáne enesіmen bіrge turǵan. 4 maýsym kúnі tańerteń qyzyn balabaqshaǵa aparǵannan keıіn, baılanysqa shyqpaǵan.
Qylmystyq іs aıasynda turǵyn úıde tіntý júrgіzіlіp, keıіn marqumnyń kúıeýі men enesі kúdіktі retіnde іzdeýge jarııalanǵan.
2025 jyly Aıgúl Saılybaevanyń týǵan aǵasy Qanat Saılybaev kúdіktіlerdіń Máskeýde ustalǵanyn habarlaǵan edі. Alaıda keıіn Qazaqstannyń quzyrly organdary Reseı tarapy kúdіktіlerdі Qazaqstanǵa berýden bas tartqanyn málіmdedі.
Material avtory
