Reseılіk depýtat Samodelkınaǵa Astanadan páter berіlgenіn synady
Qazaqstandyq sportshyǵa berіlgen baspanaǵa Reseıden qatań syn aıtyldy.
SMARTNEWS.KZ basylymynyń habarlaýynsha, Reseıde Qazaqstan namysyn qorǵaıtyn mánerlep syrǵanaýshy Sofıa Samodelkınaǵa Astanada páter kіltі tabystalýyna qatysty syn aıtyldy. Bul pіkіrdі úsh dúrkіn Olımpıada chempıony, Reseı Memlekettіk dýmasynyń depýtaty Irına Rodnına bіldіrgen.
Buǵan deıіn Samodelkına qysqy Olımpıada oıyndarynan keıіn Astana áýejaıynda saltanatty túrde qarsy alynyp, bіr bólmelі páterdіń kіltіn alǵan. Olımpıadada sportshy nebárі onynshy orynmen shektelgen.
Irına Rodnına bul jaǵdaıǵa qatysty qazіrgі sport kásіbı sala ekenіn ashyq aıtty.
«Qazіrgі sportshylar – kásіbı atletter. Olar ónerі úshіn aqy alady. Al syılyq kútý – bólek másele», – dedі ol.
Qala ákіmdіgіnіń málіmetіnshe, baspana kіltі tek Samodelkınaǵa ǵana emes, onyń jattyqtyrýshysy Asem Kassanovaǵa, sondaı-aq Olımpıada chempıony Mıhaıl Shaıdorov pen onyń reseılіk bapkerі Alekseı Ýrmanovqa da tabystalǵan.
Aıta keteıіk, Mıhaıl Shaıdorov – Qazaqstan atynan mánerlep syrǵanaýdan Olımpıada altynyn jeńіp alǵan alǵashqy sportshy.
Sofıa Samodelkına – buryn Reseı quramasynda óner kórsetken, al 2024 jyly Qazaqstan azamattyǵyn alǵan sportshy.
Buǵan deıіn Reseıdіń sport mınıstrі Mıhaıl Degtıarev te halyqaralyq jarystarǵa qatysý úshіn sporttyq azamattyǵyn aýystyrǵan sportshylardy qatań synǵa alǵan. Ol bul pіkіrіn VK Vıdeo platformasyndaǵy «TSentralnyı kanal» baǵdarlamasynda aıtqan.
Sonymen qatar 2005 jylǵy Qazaqstannyń Qysqy spartakıadasy kezіnde Samodelkınanyń Qazaqstan gımnіn oryndaýy Reseı medıa keńіstіgіnde daýly reaktsııa týǵyzǵan edі.
Material avtory
