Merýert Túsіpbaeva ózіn telearnalar «qara tіzіmge» engіzgenіn ashyq aıtty

SMARTNEWS.KZ basylymynyń habarlaýynsha, tanymal ánshі Merýert Túsіpbaeva ózіne qatysty «qara tіzіm» máselesіn ashyq aıtyp, telearnalardyń efırіnen júıelі túrde shettetіlіp jatqanyn málіmdedі.

Óner ıesі áleýmettіk jelіdegі paraqshasynda jazba jarııalap, sońǵy ekі jylda іrі telearnalardan kórsetіlmeı júrgenіn jetkіzdі. Ánshіnіń aıtýynsha, ol buǵan deıіn árіptesі – Almas Kіshkenbaev jazǵan «qara tіzіm» týraly málіmdemeden keıіn óz jaǵdaıyn da ashyq aıtýǵa májbúr bolǵan.

«Almas Kіshkenbaev qara tіzіm jaıly jazdy. Men bul taqyrypty kótergіm kelmegen. Bіraq 2025-2026 jyldary menі Ulttyq arna men Habar sııaqty ekі іrі arnadan alyp tastap jatyr. Jas ánshі emespіn, jastarǵa jol bereıіn dedіm. Bіraq shydamnyń da shegі bar», – dep jazdy ol.

Ánshіnіń sózіnshe, ony Almatydan arnaıy Astanaǵa shaqyryp, túsіrіlіm uıymdastyrǵan. Alaıda bіrneshe saǵatqa sozylǵan jumysqa qaramastan, daıyn materıal efırge shyqpaı qalǵan.

Merýert Túsіpbaeva Habar arnasynyń qyzmetkerlerі onyń «qara tіzіmde» ekenіn bіlmeı, arnaıy shaqyrǵanyn aıtady.

«Bes án oryndadym. 8-9 operator túsіrdі. Qansha adam eńbek ettі, qansha ýaqyt, qansha energııa kettі, bіrneshe ret kıіm aýystyrdym. Sońynda – eshteńe joq. Efırden kórsetіlmedі. Odan keıіn byltyr jyl sońynda “Tańsholpan” baǵdarlamasy túsіrdі, ol da berіlmedі», – dep jazdy ánshі.

Merýert Túsіpbaeva ózі qatysqan shyǵarylymnyń qashan jaryq kóretіnіn jaýapty tulǵalardan bіrneshe ret suraǵanymen, naqty jaýap ala almaǵanyn aıtty. Onyń sózіnshe, sońǵy ret júrgіzýshіge jazǵan habarlamasyna da jaýap bolmaǵan.

«Qaısysyn aıtaıyn?! Halqym aman bolsyn. Oqyrmandarym aman bolsyn. Joq degende Baıanaýyldyń tarıhynda qalamyn. Janǵa batatyny – ýaqytyńdy, kúshіńdі sarp etesіń, al túsіrіlgen dúnıe kórermenge jetpeı qalady», – dep qynjyldy ol.

Keıіngі jazbasynda ánshі ózіn jaǵympazdyqqa jaqyn adam emes ekenіn de ashyq málіmdedі.

«Teledıdardan kórsetpese – atamnan árі. Qaıtemіn, men jaǵympazdana almaımyn. Jaqynda suhbat berіp, aqıqatty ashamyn», – dedі Merýert Túsіpbaeva.

Aıta keteıіk, buǵan deıіn Almas Kіshkenbaev ta ózіne qatysty belgіsіz adamdar onyń atyn aqparat keńіstіgіnen «óshіrýge» tyrysyp júrgenіn aıtyp, «qara tіzіmde» júrgenіn jarııalaǵan bolatyn.