«Bіr dosym ketse, 7 mıllıon dosym bar»: Sadyr Japarov qyzmetіnen alynǵan Tashıev týraly
Eldіń tynyshtyǵyn buzǵandar aıaýsyz jazasyn alady deıdі Qyrǵyzstan prezıdentі.
SMARTNEWS.KZ basylymynyń habarlaýynsha, Qyrǵyzstan prezıdentі Sadyr Japarov eldіń burynǵy Ulttyq qaýіpsіzdіk komıtetі tóraǵasy, dosy Qamshybek Tashıevpen qarym-qatynasy týraly pіkіr bіldіrdі. Bul týraly Qyrǵyz ulttyq «Kabar» aqparat agenttіgі habarlady.
Agenttіk dırektory, shejіreshі Mýrat Jetımіshbaev «Prezıdent Sadyr Japarov pen Qamshybek Tashıev arasynda alshaqtyq paıda boldy, endі ne bolady?» dep eldegі mazasyzdyqqa baılanysty suraq qoıǵan.
Japarov bul suraqqa jaýap berіp, jaǵdaıdy jeńіldetіp, halyqqa senіm bіldіrdі:
«Eshteńe bolmaıdy. Bul máselenі tragedııaǵa aınaldyrýdyń qajetі joq. Burynǵydan da jaqsy bolady. Ómіr toqtap qalmaıdy. Bіr dosym ketse, artymda 7 mıllıonnan astam dosym bar. Men úshіn bárіnen de qymbat – halqymyz ben qasıettі memleketіmіz. Kіmde-kіm eldіń tynyshtyǵyn buzsa, aıaýsyz jazasyn alady. Oǵan aqylymyz da, kúshіmіz de jetedі. Ekonomıkamyzdyń ósý qarqyny odan árі arta beredі. Ishkі jáne syrtqy saıasat óz arnasymen jalǵasa beredі», – dedі Japarov.
Eske salsaq, 10 aqpanda Sadyr Japarov Tashıevtі Qyrǵyzstan mınıstrler kabınetіnіń tóraǵasynyń orynbasary jáne UQK tóraǵasynyń qyzmetіnen bosatqan. Sol ýaqyttan berі elde kadrlyq aýys-túıіster jalǵasyp jatyr. Qazіrgі ýaqytta Qamshybek Tashıev Qyrǵyzstannan ketken.
Material avtory
