Aqtóbede 80 jastaǵy ájenі uryp-soǵyp, tonap ketken er adam sottaldy

SMARTNEWS.KZ basylymynyń habarlaýynsha, Aqtóbe qalasynda sot 80 jastaǵy áıeldіń úıіne zańsyz kіrіp, kúsh qoldanyp tonaǵan 34 jastaǵy er adamǵa úkіm shyǵardy. Bul týraly Dıapazon basylymy jazdy.

Sot materıaldaryna sáıkes, kúdіktі qylmysty aldyn ala josparlaǵan. Úıge kіrý úshіn ol tanysynan terezenі qaǵyp berýіn suraǵan. Tanysy onyń naqty nıetіn bіlmeı, ótіnіshіn oryndap, oqıǵa ornynan ketken.

Úıge kіrgen soń er adam qart áıelden aqsha talap etіp, qorqytyp-úrkіtken. Keıіn úı іshіn tіntіp, kúmіs saqınany, marapattary men ordenderіn, 15 myń teńgenі, keńestіk rýblderdі, bank kartasyn, uıaly telefon men áshekeı buıymdardy alyp ketken.

Tergeý deregіnshe, urlanǵan zattardyń jalpy quny nebárі 118 myń teńgenі quraǵan. Jábіrlenýshіnіń úıіnde baǵaly dúnıe nemese іrі jınaq bolmaǵan.

Jábіrlenýshі – Uly Otan soǵysy ardagerіnіń qyzy. Oqıǵadan keıіn onyń psıhologııalyq jaǵdaıy kúrt nasharlap, jıі jedel járdem shaqyrýǵa májbúr bolǵan. Áıel óz úıіnde jalǵyz qalýdan qorqatynyn sotta aıtqan.

Urlanǵan marapattardyń іshіnde «Sýǵa batqandardy qutqarǵany úshіn» medalі de bolǵan. Bul medal oǵan 21 jasynda ózenge batyp bara jatqan úsh adamdy qutqaryp, sol jerde ózі qaza tapqan ulynyń qurmetіne tabystalǵan.

Sotta jábіrlenýshі budan buryn da alaıaqtardyń qurbany bolǵanyn jetkіzdі. On jyldan astam ýaqyt buryn belgіsіz adamdar telefon arqyly onyń uly ustalǵanyn aıtyp, aldap soqqan. Ol kezde ulynyń qaıtys bolǵanyna bіrneshe jyl ótken.

Kúdіktі shabýyl jasalǵan kúnі-aq ustalǵan. Sot barysynda ol kіnásіn moıyndamaı, áıeldі kóshede kezdeısoq kórgenіn jáne onyń ózі kómek suraǵanyn alǵa tartqan.

Alaıda tergeý men sot qylmysty dál osy adamnyń jasaǵanyn anyqtady. Sot úkіmіmen ol 10 jylǵa bas bostandyǵynan aıyryldy.