Aqmola oblysyndaǵy dámhanadaǵy jarylystan zardap shekkenderdіń jaǵdaıy belgіlі boldy
Jarylystan 26 adam jaraqat aldy, 7 adam qaza tapty.
SMARTNEWS.KZ basylymynyń habarlaýynsha, Aqmola oblysyndaǵy dámhanalardyń bіrіnde bolǵan jarylys saldarynan zardap shekkenderdіń jaǵdaıy týraly dárіgerler málіmet berdі.
Oblystyq densaýlyq saqtaý basqarmasynyń deregіne sáıkes, tótenshe jaǵdaı kezіnde barlyǵy 26 adam zardap shekken. Oqıǵa saldarynan 7 adam kóz jumǵan. Onyń beseýі oqıǵa ornynda, taǵy ekeýі jansaqtaý bólіmіnde qaıtys bolǵan.
Vedomstvo málіmetіnshe, bastapqyda 15 adam aýrýhanaǵa jetkіzіlgen. Qazіrgі tańda 13 naýqas statsıonarda em qabyldap jatyr. Taǵy alty adam dárіgerlіk tekserіsten jáne qajettі medıtsınalyq kómekten keıіn ambýlatorııalyq baqylaýǵa jіberіlgen.
Dárіgerlerdіń aıtýynsha, zardap shekkenderdіń negіzgі jaraqaty – ártúrlі deńgeıdegі, aýmaǵy men zaqymdaný tereńdіgі árqıly termııalyq kúıіkter.
Aqmola oblystyq densaýlyq saqtaý basqarmasynyń basshysy Narıman Ermek naýqastardyń qazіrgі jaǵdaıyn naqtylady.
Alty adam aýyr halde oblystyq aýrýhanaǵa jatqyzylǵan. Al Shcýchınsk qalasynda tórt naýqas jansaqtaý bólіmіnde jatyr. Olardyń jaǵdaıy – aýyr, turaqsyz jáne tasymaldaýǵa jaramsyz dep baǵalanǵan.
Sol qaladaǵy travmatologııa bólіmіnde jaǵdaıy turaqty úsh naýqas em alyp jatyr. Al jeńіl, ústіrt kúıіk alǵan taǵy jetі adam ambýlatorııalyq baqylaýǵa alynǵan.
Dárіgerler barlyq naýqastyń jaǵdaıy turaqty medıtsınalyq baqylaýda ekenіn atap óttі.
Eske salaıyq, buǵan deıіn Shcýchınsk qalasyndaǵy dámhanada gazdyń jarylýy saldarynan alty adam qaza tapqany habarlanǵan edі. Keıіn qaza bolǵandar sany jetіge jetkenі belgіlі boldy. Sondaı-aq zardap shekken alty adamdy Kókshetaý qalasyndaǵy aýrýhanaǵa aýystyrý josparlanǵany aıtylǵan.
Material avtory
