Izraıl Iranǵa soqqy jasap, elde tótenshe rejım engіzіldі
Izraıl Iranǵa qarsy operatsııa bastaǵanyn málіmdedі.
SMARTNEWS.KZ basylymynyń habarlaýynsha, Izraıl Qorǵanys mınıstrlіgі Iran aýmaǵyna aldyn ala soqqy jasalǵanyn málіmdedі. Osydan keıіn Izraıldіń búkіl aýmaǵynda erekshe tótenshe rejım engіzіldі.
Izraıl armııasynyń málіmetіne sáıkes, soqqy «aldyn alý» sıpatynda jasalǵan.
Sonymen qatar Tel-Avıv qalasynda sońǵy alty aıda alǵash ret áýe dabyly іske qosylǵan.
Irandyq Fars agenttіgіnіń habarlaýynsha, zymyrandar Tegeran qalasyndaǵy Daneshgah dańǵyly mańyna jáne Djomhýrı aýdanynda túsken. Al ISNA deregіnshe, jarylystan keıіn Pastýr aýdanynda qoıý tútіn kóterіlgen.
Aldyn ala soqqydan keıіn Izraıl áýe keńіstіgіn japty. Bul jónіnde eldіń áýejaılar basqarmasy málіmdedі.
«Qazіrgі ýaqytta barlyq azamattyq áýejaılar jumysyn toqtatty. Ushyp shyǵý men qonýǵa tolyq tyıym salyndy. Jolaýshylar áýejaıǵa barmaýy tıіs, reıster týraly aqparatty tek áýekompanııalardan naqtylaǵany jón», – delіngen resmı habarlamada.
Eske salaıyq, buǵan deıіn Qazaqstan Respýblıkasynyń Syrtqy іster mınıstrlіgі Iran aýmaǵynda júrgen Qazaqstan azamattaryna elden ýaqytsha ketýge keńes bergen bolatyn.
Material avtory
