Shymkentte áje jalǵan nómіrmen kólіk júrgіzgenі úshіn jazalandy
Sot áıeldіń zeınetker ekenіn jáne kіnásіn moıyndaǵanyn eskerdі.
SMARTNEWS.KZ basylymynyń habarlaýynsha, Shymkent qalasynda zeınet jasyndaǵy áıel jalǵan memlekettіk tіrkeý nómіrіmen kólіk basqarǵany úshіn jaýapqa tartyldy.
Istі Shymkent qalasynyń ákіmshіlіk quqyq buzýshylyqtar jónіndegі mamandandyrylǵan aýdanaralyq soty qaraǵan.
Sot materıaldaryna sáıkes, bıyl qańtar aıynda Shymkent qalasyndaǵy Ál-Farabı kóshesіnde Chevrolet Nexia avtokólіgі toqtatylyp, ony basqarǵan azamatsha D.-nyń kólіgіnde jalǵan memlekettіk tіrkeý nómіrі bolǵany anyqtalǵan.
Sotta «quqyq buzýshynyń kіnásі іs materıaldarymen, óz túsіnіktemesіmen jáne jınaqtalǵan dáleldermen tolyq rastalǵany» kórsetіlgen. Sonymen qatar sot áıeldіń kіnásіn moıyndaýy, jasaǵan áreketіne ókіnіsh bіldіrýі jáne onyń zeınetker ekenі jaýapkershіlіktі jeńіldetetіn mán-jaılar retіnde baǵalanǵan. Aýyrlatatyn jaǵdaılar anyqtalmaǵan.
Nátıjesіnde sot azamatsha D.-ny jalǵan memlekettіk tіrkeý nómіrіn paıdalanǵany úshіn kіnálі dep tanyp, bіr jyl merzіmge kólіk quralyn basqarý quqyǵynan aıyrdy.
Sot qaýlysy ázіrge zańdy kúshіne engen joq.
Material avtory
