Qazaq qyzdaryn qorlaǵan strımer Reseıge oraldy
Bloger halyqtan keshіrіm surap, vıdeoúndeý jarııalady.
SMARTNEWS.KZ basylymynyń habarlaýynsha, reseılіk strımer Anar Abdýllaev Qazaqstanda ákіmshіlіk qamaýda otyrǵannan keıіn Reseıge qaıtyp barǵanyn málіmdedі.
Ol áleýmettіk jelіdegі paraqshasynda qazaqstandyqtarǵa taǵy da keshіrіm surap úndeý jarııalady.
«Qazaq halqynan taǵy da keshіrіm suraımyn. Eshkіmdі renjіtkіm kelgen joq. Osy jaǵdaı úshіn ókіnіsh bіldіremіn. Kórsetken qoldaýlaryńyzǵa rahmet. Men úıdemіn, oraldym», – dep jazdy Abdýllaev.
Eske salaıyq, buǵan deıіn Almaty qalasynda ótken tіkeleı efırden keıіn qoǵamda úlken rezonans týyndaǵan. Translıatsııa kezіnde reseılіk blogerler Anar Abdýllaev pen Renat Pashaev qazaqstandyq qyzdarǵa qatysty qorlaıtyn sózder aıtqan.
Osy oqıǵadan keıіn Almaty soty strımerlerdі «usaq buzaqylyq» baby boıynsha kіnálі dep tanyp, 15 táýlіkke ákіmshіlіk qamaýǵa alǵan.
Keıіnіrek Qazaqstan Bas prokýratýrasy basshysynyń orynbasary Ǵalymjan Qoıgeldıev bul іske baılanysty Qazaqstan Respýblıkasynyń Ishkі іster mınıstrlіgі Qylmystyq kodekstіń 174-baby boıynsha bólek tergeý bastaǵanyn habarlady.
Atalǵan bap áleýmettіk, ulttyq jáne ózge de alaýyzdyqty qozdyrý derekterі boıynsha qoldanylady. Zańnamaǵa sáıkes, bul baptyń 2-bólіgі boıynsha kіná dáleldengen jaǵdaıda 5 jyldan 10 jylǵa deıіn bas bostandyǵynan aıyrý jazasy kózdelgen. Bul іs ákіmshіlіk qamaýǵa baılanysty emes, bólek óndіrіs aıasynda qaralyp jatyr.
Material avtory
