RUS
Aqtóbe qalasynyń № 2 sotynda asa іrі mólsherde aqsha jınap, qarjy pıramıdasyn qurdy jáne oǵan basshylyq jasady degen aıyppen іs qaraldy.
Is materıalyna súıensek, 1990 jyly týǵan sottalýshy 2019 jyldyń 01 jeltoqsany men 2020 jyldyń 22 aqpany aralyǵynda quqyqbuzýshylyq jasady.
Barlyǵy 192 azamattyń jalpy somasy 1 mıllıard teńgeden astam aqshasyn alǵan.
Sot otyrysy kezіnde salymshylardyń shyǵyny 825 mln teńgeden asqany belgіlі boldy. Sottalýshy óz kіnásіn tolyq moıyndap, jasaǵan іsіne ókіndі.
Sotta prokýror sottalýshyǵa 8 jylǵa bas bostandyǵynan aıyrý jazasyn taǵaıyndaýdy surady.
«Sot sottalýshynyń shyn júrekten ókіnetіnіn, kámelet jasqa tolmaǵan balasyn eskerdі. Sot úkіmіmen sottalýshy kommertsııalyq jáne qarjy uıymdarynda 7 jyl merzіmge basshylyq laýazymdardy atqarý quqyǵynan aıyryldy. Sonymen bіrge 6 jyl merzіmge bas bostandyǵynan aıyrý jazasy taǵaıyndaldy. Sot úkіmі zańdy kúshіne engen joq», - dep habarlady Aqtóbe qalasy №2 sotynyń baspasóz qyzmetі.
Sonymen bіrge jábіrlenýshіlerdіń azamattyq aryzy qanaǵattandyryldy. Olar 100 myń teńgeden bastap 12 mln teńgege deıіn aqsha salǵan.
Aldanyp qalǵandardyń kóbі Aqtóbe oblysynyń turǵyndary bolǵanymen, Atyraý, Almaty azamattary da bar.
Sot sottalýshynyń jalǵyz baspanasyn ózіnde qaldyrdy. Al shyǵyndy óteý úshіn keńse ǵımaraty tárkіlendі.