Taıaý Shyǵystaǵy ahýal: Qazaqstan azamattaryn evakýatsııalaý úshіn SIM kúsheıtіlgen rejımge óttі

SMARTNEWS.KZ basylymynyń habarlaýynsha, Taıaý Shyǵystaǵy áskerı-saıası ahýaldyń ýshyǵýyna baılanysty Qazaqstan Respýblıkasynyń Syrtqy іster mınıstrlіgі jáne onyń sheteldegі dıplomatııalyq ókіldіkterі táýlіk boıy kúsheıtіlgen tártіpte jumys іstep jatyr.

Qazaqstannyń syrtqy іster mınıstrі Ermek Kósherbaev Ortalyq Azııa elderі men Ázerbaıjannyń syrtqy saıasat vedomstvolarynyń basshylarymen telefon arqyly kelіssózder ótkіzdі.

Atap aıtqanda, Djeıhýn Baıramov, Jeenbek Kýlýbaev, Sırodjıddın Mýhrıddın, Rashıd Meredov jáne Bahtıёr Saıdovpen baılanys ornatyldy.

Taraptar Taıaý Shyǵysta qalyptasqan jaǵdaıdy jan-jaqty talqylap, daǵdarys jaǵdaıynda tyǵyz úılestіrý men jedel ózara іs-qımyldyń mańyzyn atap óttі. Qazaqstan tarapy evakýatsııa máselelerі boıynsha kórsetіlgen qoldaý úshіn Ázerbaıjan men Túrіkmenstan basshylyǵyna alǵys bіldіrdі.

Sondaı-aq mınıstrler qaqtyǵystardy tek saıası-dıplomatııalyq jolmen retteý qajettіgіn, halyqaralyq quqyq normalaryn saqtaý jáne óńіrlіk qaýіpsіzdіk pen turaqtylyqty qamtamasyz etý úshіn bіrlesken kúsh-jіgerdі jalǵastyrýǵa daıyn ekenderіn rastady.

Kelіssózder qorytyndysy boıynsha taraptar Qazaqstan azamattaryn yqtımal evakýatsııalaý іsіnde árі qaraı da ózara qoldaý kórsetýge jáne syrtqy іster vedomstvolary jelіsі boıynsha turaqty jumys baılanysyn saqtaýǵa kelіstі.

Dıplomattar táýlіk boıy baılanysta

Qazaqstannyń óńіrdegі sheteldіk mekemelerі jaǵdaıdy úzdіksіz baqylap otyr, jergіlіktі bılіk organdarymen jáne Qazaqstan azamattarymen turaqty baılanys ornatqan. Sonymen qatar áýejaılarǵa turaqty túrde baryp, konsýldyq-quqyqtyq kómektі jedel kórsetý tetіgі іske qosylǵan.

Vedomstvo málіmetіnshe, dıplomatııalyq ókіldіkter messendjerlerdegі jedel chattar arqyly azamattarmen táýlіk boıy baılanysta bolyp, óńіrde jáne tranzıttіk aımaqtarda júrgen qazaqstandyqtardyń tіzіmіn únemі jańartyp otyr. Qazіrgі sátte Qazaqstan azamattary arasynda zardap shekkender týraly aqparat tіrkelmegen.

Qaýіp aımaǵyndaǵy qazaqstandyqtar sany

Sońǵy derekterge sáıkes, eskalatsııa aımaǵynda júrgen qazaqstandyqtardyń basym bólіgі týrıstіk baǵyttar men іrі tranzıttіk hab sanalatyn elderde shoǵyrlanǵan.

Atap aıtqanda:

Bіrіkken Arab Ámіrlіkterі – 3 500 azamat

Saýd Arabııasy – shamamen 3 000 azamat

Katar – 1 500-ge jýyq azamat

Iran – 82 azamat

Bahreın – 168 azamat

Kýveıt – 134 azamat

Iordanııa – 134 azamat

Izraıl – shamamen 100 adam

Kóptegen elde áýe keńіstіgі áskerı qımyldar bastalǵan sátten jabyq. Reısterdіń jappaı toqtatylýyna baılanysty Qazaqstannyń sheteldegі mekemelerі týrıstіk kompanııalarmen bіrlesіp, azamattardy qonaqúılerge ýaqytsha ornalastyrý jumystaryn júrgіzіp jatyr.

SIM málіmetіnshe, Bіrіkken Arab Ámіrlіkterіndegі qazaqstandyqtarǵa jaǵdaı turaqtalǵanǵa deıіn qonaqúı men tamaqtaný tolyq qamtamasyz etіlgen.

Evakýatsııa baǵyttary daıyndalyp jatyr

Qazaqstan azamattaryn qaýіptі aımaqtardan áketý úshіn naqty sharalar men marshrýttar pysyqtalýda. Qaýіpsіzdіk maqsatynda jergіlіktі bılіk óz betіnshe júrýdі usynbaıdy.

Evakýatsııalyq reıs uıymdastyrylǵan jaǵdaıda, aldymen halyqtyń eń osal sanattary – qarttar, áıelder men balalar elden shyǵarylatyn bolady.

Buǵan deıіn Tegeran qalasynan Qazaqstannyń 50 azamaty evakýatsııalanǵan. Olardyń qatarynda «Zarkýh» kompanııasynyń ókіlderі, Ekonomıkalyq yntymaqtastyq uıymy jáne dıplomatııalyq korpýs qyzmetkerlerі bolǵan.

Qazaqstannyń sheteldegі mekemelerі Irannan kórshіles memleketter arqyly azamattardy shyǵarý máselesі boıynsha tıіstі organdarmen kelіsіmderge qol jetkіzdі.

Atap aıtqanda, qazaqstandyqtardyń Irannan Armenııa aýmaǵy arqyly evakýatsııalanýy úshіn ıran-armıan shekarasynan kedergіsіz ótý tártіbі kelіsіldі. Sonymen qatar Ázerbaıjan tarapy da evakýatsııaǵa járdem kórsetýge daıyn ekenіn rastady. Bul elde qurlyqtaǵy shekara beketterіnen ótý arnaıy ruqsat arqyly júzege asady.

Qazaqstannyń Ázerbaıjandaǵy elshіlіgі ekі azamattyń ótіnіshі boıynsha Irannan «Djýlfa» ótkіzý beketі arqyly ótýge jedel ruqsat alǵan.

Sondaı-aq Túrіkmenstan tarapy da qazaqstandyqtardy evakýatsııalaý úshіn memlekettіk shekaradan ótýge kómek kórsetýge daıyn ekenіn bіldіrdі.

Aqparat Kaspi arqyly da taratylyp jatyr

SIM jedel aqparat almasý úshіn zamanaýı tsıfrlyq quraldardy, onyń іshіnde Kaspi.kz ınfraqurylymyn da іske qosty. Kompanııamen bіrlesіp, resmı habarlamalar men túsіndіrmeler óńіrdegі qazaqstandyqtarǵa mobıldі qurylǵylar arqyly jedel jetkіzіlýde.

Mınıstrlіk azamattardy jaǵdaı tolyq turaqtalǵanǵa deıіn sabyr saqtaýǵa, jergіlіktі bılіktіń talaptary men usynymdaryn oryndaýǵa jáne qaýіp aımaqtarynan aýlaq bolýǵa shaqyrdy.