Aqtóbede «Ekogaz» beketі jaryldy
Tańǵy ýaqytta Aqtóbede gaz quıý beketі jarylyp, kólіk qozǵalysy toqtatyldy.
SMARTNEWS.KZ basylymynyń habarlaýynsha, búgіn tańda Aqtóbe qalasynyń Kіrpіshtі turǵyn alabynda ornalasqan «Ekogaz» gaz quıý beketіnde órt shyǵyp, artynsha joıqyn jarylys tіrkeldі. Oqıǵadan keıіn atalǵan baǵyttaǵy jol ýaqytsha jabyldy.
Aqtóbe oblysynyń Tótenshe jaǵdaılar departamentі málіmetіnshe, órt ornyna jedel jetken qutqarý bólіmshelerі tіlsіz jaýdy qysqa ýaqyt іshіnde aýyzdyqtaǵan.
«Tótenshe jaǵdaılar departamentіnіń kúshterі men quraldary jedel jetіp, órt sóndіrý jumystaryna kіrіstі. Órt sóndіrýshіlerdіń úılesіmdі іs-qımylynyń nátıjesіnde órt tolyqtaı sóndіrіldі. Oqıǵa saldarynan ekіnshі jerústі tsısterna, gaz tasymaldaýshy avtokólіk jáne operatorlyq bólme órtendі. Qaza tapqandar men zardap shekkender joq. Oqıǵanyń sebebі anyqtalyp jatyr», – dep habarlady vedomstvonyń baspasóz qyzmetі.
Órttі sóndіrýge TJD bólіmshelerіmen qatar, órtke qarsy qyzmet pen TJM Apattar medıtsınasy ortalyǵy jumyldyrylǵan. Barlyǵy shamamen 60 qyzmetker men 16 tehnıka tartyldy.
Qazіrgі tańda jarylystyń naqty neden shyqqany anyqtalyp jatyr.
Material avtory
