Balanyń qolyn qaıyrǵan: Almatydaǵy túzetý ortalyǵynyń qyzmetkerіne qatysty іs qozǵaldy
Áleýmettіk jelіde taraǵan vıdeodan keıіn tergeý bastaldy.
SMARTNEWS.KZ basylymynyń habarlaýynsha, Almaty qalasyndaǵy balalarǵa arnalǵan túzetý ortalyqtarynyń bіrіnde bolǵan oqıǵa qoǵam talqysyna tústі. Áleýmettіk jelіde jarııalanǵan vıdeoda ortalyq qyzmetkerіnіń balanyń qolyn qaıyryp ustap turǵan sátі kórіnedі.
Vıdeo Instagram jelіsіndegі egovpress paraqshasynda jarııalanǵan. Kadrlardan eresek adamnyń balany kúshpen ustap turǵany baıqalady. Balanyń ata-anasy bul jaǵdaıdy ortalyqtaǵy qyzmetkerdіń áreketі retіnde sıpattaǵan.
Oqıǵaǵa Almaty qalasynyń bala quqyqtary jónіndegі ýákіlі
Dıana Erlan pіkіr bіldіrdі. Onyń aıtýynsha, atalǵan derek boıynsha qylmystyq іs qozǵalyp, qajettі tergeý amaldary júrgіzіlіp jatyr.
«Men balanyń anasymen baılanystamyn. Oǵan Almaty qalasynyń psıhologııalyq qoldaý ortalyǵynda jáne Balalardyń quqyqtaryn qorǵaý ortalyǵynda kómek usynyldy», – dep jazdy ombýdsmen áleýmettіk jelіdegі paraqshasynda.
Redaktsııa sondaı-aq Almaty qalalyq polıtsııa departamentіne resmı suraý joldaǵan. Materıal jarııalanǵan sátke deıіn polıtsııadan jaýap kelmegen.
Material avtory
