Jelіde aqshaǵa «jazalaý qyzmetі» usynyla bastady

SMARTNEWS.KZ basylymynyń habarlaýynsha, otandyq Telegram arnalarda zańsyz «jazalaý qyzmetіn» usynatyn kúmándі habarlandyrýlar tarady. Belgіsіz adamdar aqshaǵa qorqytý, uryp-soǵý jáne múlіkke zııan keltіrý sııaqty qylmystyq áreketterdі oryndaýǵa daıyn ekenіn ashyq jazǵan. Bul týraly Tengrinews.kz jazdy.

Habarlandyrý avtorlary «máselenі basqa tásіlmen sheshýdі» usynyp, «jaı sóz ótpegen jaǵdaıda kómektesemіz» dep sendіrgen. Sondaı-aq qupııalylyqqa kepіldіk berіletіnі jáne ár klıentke «jeke tásіl» qoldanylatyny kórsetіlgen.

Jarnamalar negіzіnen Telegram jelіsіnde taraǵan.

Usynylǵan «qyzmetterdіń» tіzіmі ashyq túrde jazylǵan. Olardyń qatarynda:
– telefon arqyly qorqytý;
– uryp-soǵý;
– páterdіń kіreberіs esіgіn órtep jіberý;
– avtokólіktі órteý;
– jábіrlenýshіnі qala syrtyna alyp ketіp, kúsh qoldaný áreketterі bar.

Qosymsha aqyǵa «jazalaý protsesіn» beınejazbaǵa túsіrіp berý de ýáde etіledі.

Baǵalar bіrneshe ondaǵan myń teńgeden bastap, júzdegen myń teńgege deıіn kórsetіlgen. Keıbіr habarlandyrýlarda «uryp ketý» qyzmetіnіń quny nebárі 150 myń teńge dep jazylǵan.

Atalǵan faktіlerge baılanysty redaktsııa habarlandyrýlardyń skrınshottaryn qosa tіrkep, resmı saýal joldady. Buǵan jaýap bergen Qazaqstan Respýblıkasynyń Ishkі іster mınıstrlіgі ınternet keńіstіgі turaqty túrde baqylaýda ekenіn málіmdedі.

Mınıstrlіktіń jaýabynda:
«Óz quzyretі sheńberіnde іshkі іster organdary ınternet keńіstіgіn baqylap, quqyqqa qaıshy mazmundaǵy jarııalanymdardy anyqtaıdy jáne olardy buǵattaý jónіnde bastama kóteredі. Jınalǵan materıaldar zańnamaǵa sáıkes quqyqtyq baǵa berý jáne protsessýaldyq sheshіm qabyldaý úshіn tıіstі bólіmshelerge joldanady», – delіngen.

IIM kıberqylmysqa qarsy júıelі jumys jalǵasyp jatqanyn atap ótіp, azamattardy qyraǵylyq tanytýǵa jáne kez kelgen zańsyz áreket týraly dereý quqyq qorǵaý organdaryna habarlaýǵa shaqyrdy.