Almaty oblysynda 19 jyl burynǵy kіsі óltіrgen qanіsher-taksıst sottaldy

SMARTNEWS.KZ basylymynyń habarlaýynsha, Almaty oblysynda shamamen 19 jyl buryn jasalǵan adam óltіrý іsі boıynsha úshіnshі kúdіktіge úkіm shyqty. Tergeýden uzaq jyldar boıy boı tasalap kelgen er adam endі túrmege jіberіldі. Bul týraly Almaty oblysynyń prokýratýrasy habarlady.

Qylmys 2006 jyldyń qyrkúıegіnde Almaty qalasynda bolǵan. Tergeý materıaldaryna sáıkes, ózіn taksı júrgіzýshіsі retіnde tanystyrǵan úsh er adam Qyrǵyzstan azamatyn kólіkke otyrǵyzyp, keıіn ony tunshyqtyryp óltіrgen. Marqumnyń jeke zattary tonalyp, máıіtі Almaty – Qapshaǵaı tasjolynyń boıyna tastalǵan.

2007 jyly qylmysqa qatysy bar ekі adam ustalyp, sottalǵan. Al úshіnshі kúdіktіge qatysty іs óndіrіsі toqtatylyp, materıaldar іs júzіnde muraǵatqa «kómіlgen». Keıіn anyqtalǵandaı, bul іs tіptі burynǵy jyldardaǵy ashylmaǵan kіsі óltіrý derekterіnіń tіzіmіne de engіzіlmegen.

Istіń qaıta qozǵalýyna prokýratýra qyzmetkerlerі Aıda Imanalıeva men Álııa Sarsekeevanyń eskі qylmystyq іsterdі taldaý barysynda negіzsіz toqtatylǵan óndіrіstі anyqtaýy sebep bolǵan. Derekqorlardy salystyrý jáne qosymsha málіmetterdі tekserý nátıjesіnde kúdіktіnіń osy ýaqyt boıy Qarasaı aýdanynda júrgenі belgіlі boldy.

Tergeý qaıta jandanyp, іs erekshe baqylaýǵa alyndy. 2025 jyldyń shіldesіnde kúdіktі ustaldy. Barlyq dálelder jınalǵan soń, araǵa nebárі on toǵyz jyl salyp, іs sotqa jettі.

2026 jylǵy 24 aqpanda sot er adamdy kіnálі dep tanyp, 16 jylǵa bas bostandyǵynan aıyrý jazasyn taǵaıyndady. Úkіm ázіrge zańdy kúshіne engen joq.