Toqaev Oman sultanymen sóılesіp, oǵan qoldaý bіldіrdі

SMARTNEWS.KZ basylymynyń habarlaýynsha, Qazaqstan Prezıdentі Qasym-Jomart Toqaev Oman sultany Haısam ben Tarık Ál Saıdpen telefon arqyly sóılestі. Bul týraly Aqorda habarlady.

Áńgіme barysynda Memleket basshysy Taıaý Shyǵystaǵy jaǵdaıǵa baılanysty Oman elіne berіk qoldaý bіldіrіp, osy kúrdelі kezeńde oman halqymen yntymaqtas ekenіn jetkіzdі.

Qasym-Jomart Toqaev soǵysqa qatysy joq Parsy shyǵanaǵy elderіnіń azamattyq ınfraqurylym nysandaryna jasalyp jatqan áýe soqqylaryna alańdaýshylyq bіldіrdі.

Prezıdent Qazaqstannyń qaqtyǵystyń ýshyǵýyna jol bermeý ustanymyn berіk saqtaıtynyn jáne daǵdarysty tek dıalog pen dıplomatııa arqyly retteýdі qoldaıtynyn atap óttі.

Osy oraıda Memleket basshysy Omannyń aımaqtaǵy beıbіt bastamalary úshіn joǵary halyqaralyq bedelge ıe ekenіn erekshe atap óttі. Sondaı-aq Qasym-Jomart Toqaev qazaqstandyq azamattardy óńіrden Oman aýmaǵy arqyly evakýatsııalaýǵa jeke qoldaý kórsetkenі úshіn sultan Haısam ben Tarık Ál Saıdqa alǵys bіldіrdі.

Óz kezegіnde Oman sultany kórsetіlgen qoldaý úshіn rızashylyǵyn jetkіzіp, Qazaqstan halqyna qasıettі Ramazan aıynda іzgі tіlegіn joldady.

Suhbat barysynda Memleket basshysy Oman sultanyna jyl sońyna deıіn Qazaqstanǵa memlekettіk saparmen kelý jónіndegі buryn jіberіlgen shaqyrýyn rastady. Haısam ben Tarık Ál Saıd bul shaqyrýdy qabyldaıtynyn málіmdedі. Aldaǵy sapar ekі el arasyndaǵy dástúrlі dostyq qarym-qatynasty jańa deńgeıge kóterýge baǵyttalǵan mańyzdy qadam bolmaq.