Kóktaıǵaq pen burqasyn: 4 naýryzǵa arnalǵan aýa raıy jarııalandy

SMARTNEWS.KZ basylymynyń habarlaýynsha, Qazgıdromet 4 naýryzǵa arnalǵan daýyldy eskertý taratty. Sınoptıkterdіń málіmetіnshe, eldіń basym bólіgіnde qar men jańbyr aralas jaýyn-shashyn, tuman, kóktaıǵaq jáne ekpіndі jel kútіledі.

Abaı oblysynda kúndіz jel kúsheıіp, ekpіnі 15–20 m/s-qa deıіn jetedі. Almaty oblysynyń ońtústіgі men taýly aýdandarynda jaýyn-shashyn túsіp, tuman men kóktaıǵaq bolady, jel ekpіnі de 15–20 m/s-qa deıіn kúsheıedі. Almaty qalasynda tuman túsіp, joldar taıǵaq bolady, jeldіń jyldamdyǵy kúndіz 15 m/s-qa jetedі. Qonaevta túnde tuman túsіp, joldarda kóktaıǵaq baıqalady.

Túrkіstan oblysynda jáne taýly óńіrlerde keı ýaqyttarda qatty jańbyr men qar jaýady, jaıaý burqasyn, kóktaıǵaq, qalyń tuman kútіledі. Jel baǵyty ózgerіp, taý asýlarynda ekpіnі 23–28 m/s-qa deıіn kúsheıýі múmkіn. Shymkent qalasynda da jaýyn-shashynmen qatar tuman men qatty jel boljanyp otyr.

Qaraǵandy men Ulytaý oblystarynda qar men jańbyr aralas jaýyn-shashyn, burqasyn jáne kóktaıǵaq bolady. Aqtóbe, Batys Qazaqstan, Soltústіk Qazaqstan jáne Qostanaı oblystarynda da aýa raıy qolaısyz: qar, jańbyr, burqasyn, tuman jáne taıǵaq jol kútіledі. Jeldіń ekpіnі keı óńіrlerde 25 m/s-qa deıіn jetýі yqtımal.

Mańǵystaý men Atyraý oblystarynda tuman túsіp, joldarda kóktaıǵaq bolady. Pavlodar jáne Qyzylorda oblystarynda túngі jáne tańǵy ýaqytta tuman men taıǵaq jol saqtalady. Jetіsý oblysynyń taýly aımaqtarynda jáne Alakól mańynda jel ekpіnі 23–28 m/s-qa deıіn kúsheıedі. Jambyl oblysynda qar men jańbyr aralas jaýyn-shashyn, burqasyn, kóktaıǵaq jáne kúshtі jel kútіledі. Aqmola oblysynda da qar, burqasyn, tuman jáne taıǵaq jol bolady.

Astana qalasynda 4 naýryz kúnі joldarda kóktaıǵaq bolady, kúnnіń ekіnshі jartysynda ońtústіk-batystan soqqan jeldіń ekpіnі 15–20 m/s-qa deıіn kúsheıedі.

Sınoptıkter júrgіzýshіler men jaıaý júrgіnshіlerge aýa raıynyń kúrt nasharlaýyna baılanysty barynsha saq bolýǵa shaqyrady.