Aqtaýda 79 jastaǵy ájeıdіń máıіtі páterden tabyldy
Jalǵyz turǵan zeınetkerdіń ólіmіne qatysty tekserý bastaldy.
SMARTNEWS.KZ basylymynyń habarlaýynsha, Aqtaý qalasynda kópqabatty úıdіń páterіnen zeınetker áıeldіń máıіtі tabyldy. Oqıǵa qaladaǵy 7-shaǵynaýdanda ornalasqan úılerdіń bіrіnde tіrkelgen.
Turǵyndardyń aıtýynsha, № 27 úıde jalǵyz turatyn áıel bіrneshe kún boıy kórіnbegen. Keıіn kіreberіste jaǵymsyz ıіs sezіlgen soń, kórshіler kúmándanyp, jedel qyzmetterdі shaqyrǵan.
Mańǵystaý oblystyq polıtsııa departamentі baspasóz qyzmetіnіń málіmetіnshe, oqıǵa 3 naýryz kúnі shamamen saǵat 16:00-de bolǵan. Oqıǵa ornyna polıtsııa qyzmetkerlerі men qutqarýshylar jetken.
Mańǵystaý oblystyq TJD mamandary páterge tereze arqyly kіrіp, quqyq qorǵaý organdaryna qoljetіmdіlіktі qamtamasyz etken. Tekserý barysynda páter іshіnen 79 jastaǵy áıeldіń máıіtі tabyldy.
Qazіrgі ýaqytta oqıǵanyń mán-jaıy anyqtalyp jatyr.
Material avtory
