Almatyda korrektsııalyq ortalyq qyzmetkerі balalarǵa kúsh kórsettі degen kúdіkpen ustaldy

SMARTNEWS.KZ basylymynyń habarlaýynsha, Almaty qalasynda korrektsııalyq ortalyq qyzmetkerіne qatysty qylmystyq іs qozǵaldy. Er adam balalarǵa kúsh qoldandy degen kúdіkpen ustalyp, ýaqytsha ustaý ızolıatoryna qamaldy.

Polıtsııa málіmetіnshe, jedel-іzdestіrý sharalary barysynda kúdіktі anyqtalyp, qamaýǵa alynǵan. Qazіr tergeý toby oqıǵanyń barlyq mán-jaıyn anyqtaýǵa baǵyttalǵan protsessýaldyq áreketterdі júrgіzіp jatyr. Beınebaqylaý kameralaryndaǵy jazbalar zerdelenіp, kýálar men іske qatysy bar tulǵalardan jaýap alynýda.

Almaty qalalyq polıtsııa departamentі tergeý barysy departament basshylyǵynyń erekshe baqylaýynda ekenіn málіmdedі.

«Tergeý qorytyndysy boıynsha kúdіktіnіń áreketіne Qazaqstan Respýblıkasynyń zańnamasyna sáıkes quqyqtyq baǵa berіledі», – delіngen polıtsııa taratqan aqparatta.

Buǵan deıіn Almatyda erekshe qajettіlіgі bar balalar tárbıelenetіn «Fenıks korrektsııalyq ortalyǵy» tóńіregіnde qatygezdіk derekterі týraly aqparat taraǵan bolatyn. Ata-analardyń aıtýynsha, ortalyqta balalarǵa kúsh qoldanylǵan, bul jaıttardy eresekter óz kózderіmen kórgen.

Qazіrgі tańda oqıǵa boıynsha tergeý jalǵasyp jatyr.