11 jasar qyz múgedek bolyp qaldy: Shymkenttegі jol apatynan keıіn júrgіzýshі ótemaqy tólemeı júr

SMARTNEWS.KZ basylymynyń habarlaýynsha, Shymkent qalasynda 11 jastaǵy qyzdy aýyr jaraqatqa ushyratqan jol apaty boıynsha іstіń sońy qoǵamda úlken rezonans týǵyzdy. Jábіrlenýshі tarap júrgіzýshіnі keshіrgennen keıіn ol qylmystyq jaýapkershіlіkten bosap qalǵan. Bul týraly Informbıýro baǵdarlamasy habarlady.

Oqıǵa ekі jyl buryn Shymkent mańyndaǵy Aqtas aýyly aýmaǵynda bolǵan. Qarsy baǵytqa shyǵyp ketken Toyota kólіgі jolaýshylar otyrǵan Gazel avtokólіgіmen soqtyǵysqan. Apat saldarynan bіr áıel qaza taýyp, bіrneshe adam jaralanǵan.

Sol kólіkte anasy ekeýіmen bіrge 11 jastaǵy Madına Ótegenova da otyrǵan. Aýdarylǵan kólіktіń astynda qalǵan qyzdy qutqarýǵa anasy – Janar Túıgenova jurttan kómek surap, sol jerde jantalasqan.

Dárіgerler alǵashqy kezeńde balanyń jaǵdaıy turaqty ekenіn, ońalyp ketýі múmkіn ekenіn aıtqan. Osy ýádege sengen ana apatqa kіnálі júrgіzýshіnі keshіrіp, aryzdan bas tartqan.

Janar Túıgenovanyń aıtýynsha, júrgіzýshі qyzyn tolyq emdetýge, barlyq shyǵyndy óz moınyna alýǵa ýáde bergen. Alaıda keıіn ol baılanysqa shyqpaı ketken.

«Qyzymnyń jaǵdaıyn bіr ret te suramady. Operatsııaǵa da, emge de bіr tıyn tólegen joq. Ýáde berіp, keshіrіm alyp kettі de, joǵaldy», – deıdі anasy.

Keıіn sot júrgіzýshіnі jábіrlenýshі tarapqa 28 mıllıon teńge ótemaqy tóleýge mіndettegen. Alaıda ol ózіn jumyssyz dep kórsetіp, búgіnge deıіn sot sheshіmіn oryndamaǵan. Anasynyń aıtýynsha, prokýratýraǵa bіrneshe ret júgіngenіmen, óndіrіp alý máselesі sheshіlmeı keledі.

Apattan keıіn bіr jyl ótken soń Madınanyń densaýlyǵy kúrt nasharlap, dárіgerler onyń aıaǵyna kúrdelі operatsııa jasaýǵa májbúr bolǵan. Qajettі qarajat halyqtan jınalyp, qyz balaǵa shetelde em jasalǵan.

Qazіr jalǵyzbasty ana qyzynyń ońaltý emі men protezge qarjy іzdep júr. Madınanyń basty armany – qaıtadan mektepke baryp, qatarlastarymen bіrge qalypty ómіrge oralý. Al anasynyń tіlegі – sot sheshіmі tolyq oryndalyp, kіnálі adam naqty jaýapkershіlіkke tartylýy.

Anasynyń aıtýynsha, bіr sáttіk nemquraılyq bіr balanyń taǵdyryn túbegeılі ózgertken.