«Nege men qazaq emespіn?»: Katardaǵy reseılіk azamat óz elіnіń evakýatsııa júıesіn synady (VIDEO)
Reseılіk azamat qazaqstandyqtarǵa elshіlіk jasaǵan sharalardy aıtyp, qyzyǵýshylyq tanytty.
SMARTNEWS.KZ basylymynyń habarlaýynsha, Katarda júrgen reseılіk azamat Qazaqstan azamattarynyń evakýatsııasynyń uıymdastyrylý deńgeıіn atap óttі. Ol óz vıdeosynda «azdap tutqyndaı sezіnemіn» dep aǵynan jaryldy, óıtkenі kemeden alystap ketýge bolmaıdy – aımaq jabyq.
Vıdeo Instagram-da jarııalanǵan. Dıspetcher daýysynan Qazaqstan azamattaryna Saýd Arabııasyna vıza rásіmdeýі kerektіgі aıtylǵanyn estýge bolady, óıtkenі evakýatsııa sol arqyly júrgіzіledі.
«Qazaqstan azamattaryna elshіlіktіń arqasynda Saýd Arabııasyna vıza berіledі, erteń avtobýspen (shamamen 22 saǵat jol) jetkіzіledі, sosyn Almatyǵa tegіn ushaq uıymdastyrylady. Sonymen qatar, árqaısyna 35 dollar aýdarylady. Al bіzde eshteńe joq. Bіraq úmіt úzbeımіz», – dep bólіstі Reseı azamaty.
Vıdeoda ol «Mama, pochemý ıa ne kazah?» degen jazý qaldyrǵan.
Material avtory
