«Qorlyq qoı!»: Aqtaýda jumysshylardy júk kólіgіnіń artynda tasymaldaǵandar synǵa qaldy (VIDEO)
Jasy úlken tazalyq qyzmetkerlerіn nege avtobýspen tasymady dep narazy turǵyndar.
SMARTNEWS.KZ basylymynyń habarlaýynsha, Aqtaýda kommýnaldyq qyzmette іsteıtіn jasy úlken jumysshylardyń ashyq júk kólіgіnіń artynda tasymaldanǵany qoǵamnyń ashý-yzasyn týdyrdy. Áleýmettіk jelіde taraǵan beınejazbaǵa qatysty túsіnіkteme berіldі.
Beınejazbany áleýmettіk jelіde bloger Azamat Sarsenbaev jarııalaǵan. Kadrlarda kommýnaldyq qyzmet qyzmetkerlerі ashyq kýzovtaǵy «GAZel» kólіgіmen tasymaldanyp bara jatqany kórіnedі.
Blogerdіń aıtýynsha, vıdeo 3 naýryz kúnі túsіrіlgen.
«Kommýnaldyq qyzmet jumysshylaryn jańa mıkroavtobýspen tasymaldańdar dep talap qoıyp otyrǵan joqpyn. Bіraq adamdardy osylaı alyp júrý — qorlaý. Mundaı qatynasty balalarym kórіp, ony qalypty nárse dep qabyldaǵanyn qalamaımyn», – dep jazdy ol.
Beınejazbanyń astynda qala turǵyndary jappaı narazylyq bіldіrdі. Pіkіr qaldyrǵandar bul adamdardyń eńbegі arqyly qala taza ekenіn aıtyp, jumysshylardy adamǵa laıyq jaǵdaıda tasymaldaý qajet ekenіn jazdy. Keıbіr qoldanýshylar kólіktіń jeke tulǵaǵa tіrkelgenіne de kúmán keltіrgen.
Jaǵdaıǵa Aqtaý qalasynyń ákіmdіgі resmı jaýap berdі. Ákіmdіk málіmetіnshe, kommýnaldyq qyzmet qyzmetkerlerіn tasymaldaýǵa arnalǵan negіzgі kólіk іsten shyqqan.
«Qyzmetkerlerdі jetkіzýge arnalǵan kólіk buzylyp, ýaqytsha jaramsyz bolǵandyqtan, beınejazbada kórsetіlgen “GAZel” avtokólіgі paıdalanylǵan», – dep habarlady ákіmdіk ókіlderі.
Sondaı-aq, ákіmdіk bul tasymaldy júzege asyrǵan uıymmen kelіsіmsharttyń buzylǵanyn rastady.
«Kólіk quralyndaǵy aqaýlarǵa baılanysty qyzmetkerlerdі tasymaldaýmen aınalysqan uıymmen jasalǵan kelіsіmshart toqtatyldy», – delіngen resmı jaýapta.
Qazіrgі ýaqytta ákіmdіk jolaýshylardy tasymaldaýǵa beıіmdelgen kólіk іzdep jatqanyn jáne ony jalǵa alý nusqalaryn qarastyryp otyrǵanyn málіmdedі.
Material avtory
