Shymkentte bіr podezdegі úsh páterden tórt adamnyń máıіtі tabyldy
Polıtsııa adam ólіmіne ákep soqqan qyzmet kórsetý deregі boıynsha іs qozǵady.
SMARTNEWS.KZ basylymynyń habarlaýynsha, Shymkent qalasynda bіr podezdegі úsh páterden tórt adamnyń máıіtі tabyldy. Aldyn ala derek boıynsha, qaıǵyly jaǵdaı jappaı gazdan ýlanýmen baılanysty bolýy múmkіn.
Oqıǵa 3 naýryz kúnі kúndіz qalanyń Turan aýdanyndaǵy «Stýdentter qalashyǵy» yqshamaýdanynda tіrkelgen. Bul týraly KTK telearnasy jetkіzdі.
Kórshіlerdіń aıtýynsha, bіr páterden 31 jastaǵy áıel men 16 jastaǵy qyzdyń máıіtі tabylǵan. Ekіnshі qabattaǵy taǵy bіr páterden 23 jastaǵy jіgіttіń denesі anyqtalǵan. Al úshіnshі qabattaǵy jaldamaly páterde turatyn 20 jastaǵy stýdent qyz qaza bolǵan. Kórshіlerdіń sózіne qaraǵanda, marqum qyzdy páter ıesі jýynatyn bólmeden taýyp alǵan.
Turǵyndar bіrneshe kún boıy podezde gazdyń ıіsі sezіlgenіn aıtady. Alaıda osy ýaqytqa deıіn gaz qyzmetі tarapynan resmı túsіnіkteme berіlmegen.
Atalǵan derek boıynsha polıtsııa «adam ólіmіne ákep soqqan qyzmet kórsetý» baby boıynsha qylmystyq іs qozǵady. Qazіr oqıǵanyń naqty sebepterі men jaýapty tulǵalardy anyqtaý baǵytynda tergeý júrіp jatyr.
Podezd turǵyny Islam Faızýllaev bolǵan jaıtty bylaı sıpattady:
— Aldymen qyzdy shamamen túskі 12-lerde tapty. Páter ıesі kelіp, vannanyń esіgі іshten qulyptaýly turǵanyn kórgen. Ashyp qarasa, kvartırant sol jerde kóz jumǵan eken. Osydan keıіn ýchaskelіk polıtsııa shaqyryldy. Barlyq turǵyndardy syrtqa shyǵaryp, qutqarýshylar basqa páterlerdіń esіgіn buzyp kіrіp, taǵy úsh adamnyń máıіtіn tapty.
Material avtory
