Kýveıtte amerıkalyq ushqysh halyq aldynda tіzerleýge májbúr boldy (VIDEO)
Kýveıtte qulaǵan amerıkalyq ushqyshtyń vıdeosy tarady.
SMARTNEWS.KZ basylymynyń habarlaýynsha, Kýveıtte AQSh áskerı ushqyshynyń basynan tosyn jaǵdaı óttі. Qulaǵan joıǵysh ushaqtyń pıloty jergіlіktі turǵyn qorqytqannan tіzerleýge májbúr bolǵan.
Oqıǵa týraly aldymen New York Post habarlady. Basylym jarııalaǵan vıdeoda apattan keıіn katapýltpen jerge túsken ushqyshty bіr top jergіlіktі turǵyn qorshap alǵany kórіnedі. Solardyń bіrі qolyna metall qubyrǵa uqsas zat ustap, ony uryp jіberetіndeı bolyp ses kórsetken.
Málіmet boıynsha, áńgіme F-15 Eagle joıǵysh ushaǵynyń pıloty McDonnell Douglas týraly bolyp otyr. Buǵan deıіn AQSh Ortalyq qolbasshylyǵy 1 naýryz kúnі Kýveıt áýe keńіstіgіnde úsh amerıkalyq F-15 joıǵyshy «dostyq oqtan» atyp túsіrіlgenіn málіmdegen. Keıіn bul oqıǵa boıynsha kіnánі Kýveıt tarapy moıyndaǵan.
Vıdeoda ushqysh qolyn kóterіp, aǵylshyn tіlіnde ózіne qaýіp tóndіrgen adamnan shegіnýdі suraıdy. Alaıda onyń ótіnіshі bіrden nátıje bermegen. Qaýіp kúsheıgen sátte ushqysh tіzerleı otyryp, jaǵdaıdy ýshyqtyrmaýǵa tyrysqan.
Tek ushqysh ózіnіń amerıkalyq ekenіn aıtqannan keıіn ǵana qolyndaǵy temіrdі kóterіp turǵan adam raıynan qaıtyp, shegіngen.
Keıіn Kýveıttіń Qorǵanys mınıstrlіgі AQSh tarapymen baılanys ornatyp, oqıǵanyń mán-jaıyn anyqtaý úshіn bіrlesken tekserý júrgіzіlіp jatqanyn málіmdedі.
Material avtory
