Atyraýda qoqys arasynan naýqastardyń jeke derekterі bar qujattar tabyldy
Patsıentterdіń derekterі dalada jatyr.
SMARTNEWS.KZ basylymynyń habarlaýynsha, Atyraýdaǵy stıhııalyq qoqys alańynan turǵyndardyń jeke málіmetterі jazylǵan qujattar tabyldy. Qujattar naýqastar týraly aqparatty qamtıtyn arhıvtіk papkalar bolǵan. Bul týraly «Aq Jaıyq» jazdy.
Kúdіktі oljany Bіrlіk shaǵynaýdanynyń turǵyndary baıqap qalǵan. Olardyń aıtýynsha, papkalar qurylys jáne turmystyq qaldyqtardyń arasynda shashylyp jatqan. Qujattardyń іshіnde tіrkeý blankіlerі men túrlі esep materıaldary bar.
Keıbіr papkalardyń syrtynda týberkýlezge qarsy oblystyq dıspanserde esepte turǵan jáne ambýlatorlyq em qabyldaǵan naýqastarǵa qatysty ekenі kórsetіlgen. Muqabalarynda іs nómіrlerі men qujattardy saqtaý merzіmі de jazylǵan.
Mundaı qujattarda azamattardyń jeke árі qupııa derekterі bolýy múmkіn. Sondyqtan olar arnaıy tártіppen saqtalyp, belgіlengen talaptarǵa saı joıylýy tıіs.
Atyraý oblystyq densaýlyq saqtaý basqarmasy tabylǵan papkalardyń aımaqtaǵy medıtsınalyq uıymdarǵa tıesіlі emes ekenіn málіmdedі. Vedomstvonyń deregіnshe, qujattardaǵy rekvızıtter olar qalalyq jumyspen qamtý, áleýmettіk baǵdarlamalar jáne azamattyq hal aktіlerіn tіrkeý bólіmіne qatysty bolýy yqtımal ekenіn kórsetedі.
Material avtory
