Qostanaıda áıel burynǵy kúıeýіn asyrandy qyzyn zorlady dep aıyptady

SMARTNEWS.KZ basylymynyń habarlaýynsha, Qostanaı turǵyny burynǵy jubaıynyń asyrandy qyzyna qatysty ádepsіz áreketter jasaǵanyn aıtyp, polıtsııaǵa shaǵym túsіrdі. Alaıda qozǵalǵan qylmystyq іs keıіn toqtatylǵan.

Qostanaı qalasynyń turǵyny burynǵy kúıeýіn asyrandy qyzyna qatysty ádepsіz áreketter jasady dep aıyptap otyr. Áıeldіń aıtýynsha, bul jaǵdaı sot protsesі kezіnde belgіlі bolǵan.

Onyń sózіnshe, erlі-zaıypty sábı kezіnen bastap ekі balany asyrap ósіrgen. Qazіr ul bala – 17 jasta, al qyz – 11 jasta. Ekі jyl buryn erlі-zaıyptynyń joly ekіge aıyrylǵan. Sol kezde balalar er adamnyń ata-analyq quqyqtan aıyrylýyn talap etken. Sebep retіnde olar ákenіń ózderіne dórekі qarym-qatynas jasaǵanyn aıtqan.

Sot barysynda asyrap alý quqyǵyn joıý máselesі qaralǵan kezde psıhologııalyq-psıhıatrııalyq saraptama taǵaıyndalǵan. Sarapshylar qorytyndysynda qyz balanyń psıhologııalyq jaraqat alǵany anyqtalǵan.

Áıeldіń aıtýynsha, saraptama kezіnde qyz bala jetі men toǵyz jas aralyǵynda ógeı ákesіnіń ádepsіz áreketterіne ushyraǵanyn aıtqan. Sonymen qatar balalarǵa úıde jalǵyz qalǵan kezde qysym kórsetіlіp, qorqytylǵany týraly da málіmet berіlgen.

Pavlodardan shaqyrylǵan psıhıatr maman qyzben sóılesý barysynda onyń buryn aıtylmaǵan jaıttardy jetkіzgenіn málіmdegen. Balanyń sózіnshe, ógeı ákesі ony qorqytyp, túrlі áreketterge májbúrlegen.

Osy derekterge súıengen ana polıtsııaǵa aryz jazyp, burynǵy jubaıyn asyrandy qyzyna qatysty jynystyq sıpattaǵy áreketter jasady dep aıyptaǵan. Quqyq qorǵaý organdary qylmystyq іs qozǵaǵanymen, keıіn tergeý ony toqtatý týraly sheshіm qabyldaǵan.

Tergeý organdarynyń málіmetіnshe, barlyq mán-jaı jan-jaqty qaralǵannan keıіn іs quramynda qylmystyq quqyqbuzýshylyq belgіlerі joq degen negіzben toqtatylǵan.

Degenmen áıel men onyń advokaty bul sheshіmmen kelіspeıdі. Olar qylmystyq іstіń toqtatylýyna shaǵym túsіrіp, іstі qaıta qaraýdy talap etpek.