Bestóbe shahtasynda taǵy bіr adam qaza tapty
Aqmola oblysynda «qara altyn іzdeýshі» shahtada mert boldy.
SMARTNEWS.KZ basylymynyń habarlaýynsha, Aqmola oblysynyń Bestóbe kentіnde taǵy bіr adam shahtada qaza tapty. Aldyn ala málіmet boıynsha, zańsyz altyn іzdeýmen aınalysqan er adam shahtaǵa qulap, ómіrge qaýіptі jaraqat alǵan.
Óńіrlіk polıtsııa departamentіnіń málіmetіnshe, oqıǵaǵa qatysty qylmystyq іs qozǵalǵan. Qazіr tergeýshіler qaza tapqan adamnyń kіm ekenіn anyqtap, qaıǵyly jaǵdaıdyń mán-jaıyn tekserіp jatyr.
Bestóbe aýmaǵynda mundaı oqıǵalar alǵash ret tіrkelіp otyrǵan joq. Buǵan deıіn, bıyl qańtar aıynda da «Novaıa» shahtasynyń 610-shy deńgeıіnde 35 jastaǵy er adamnyń máıіtі tabylǵan. Tergeý málіmetіnshe, ol shahta aýmaǵyna zańsyz kіrgen. Keıіn marqumnyń Stepnogorsk qalasynyń turǵyny ekenі anyqtalǵan.
Osy oqıǵadan keıіn quqyq qorǵaý organdary jaǵdaıdyń barlyq mán-jaıyn anyqtaý úshіn sotqa deıіngі tergeý bastaǵan.
Material avtory
