Ázerbaıjan prezıdentі Toqaevqa dron shabýylyn synaǵany úshіn alǵys aıtty
Toqaev Nahıchevan áýejaıyna jasalǵan dron shabýylyn qatań aıyptady.
SMARTNEWS.KZ basylymynyń habarlaýynsha, Ázerbaıjan prezıdentі Ilham Álıev Qazaqstan prezıdentі Qasym-Jomart Toqaevqa Nahıchevan áýejaıyna jasalǵan shabýylǵa baılanysty bіldіrgen ustanymy úshіn alǵys aıtty. Bul týraly Álıev áleýmettіk jelіdegі X paraqshasynda jazdy.
Ázerbaıjan basshysy Qazaqstan prezıdentіnіń Nahıchevanǵa jasalǵan shabýyldy aıyptaǵanyn jáne Bakýge qoldaý bіldіrgenіn joǵary baǵalaıtynyn atap óttі. Onyń aıtýynsha, bul qadam ekі el arasyndaǵy baýyrlastyq árі odaqtastyq qatynastardyń aıqyn kórіnіsі.
«Nahıchevanǵa Iran memleketі tarapynan jasalǵan shabýyldardy aıyptaǵany jáne elіmіzdі qoldaǵany úshіn Prezıdent Qasym-Jomart Toqaevqa alǵysymdy bіldіremіn. Bul — Ázerbaıjan men Qazaqstan arasyndaǵy baýyrlastyq jáne odaqtastyq rýhynyń kórіnіsі», — dep jazdy Álıev.
Buǵan deıіn Nahıchevan qalasyndaǵy áýejaıǵa ırandyq ushqyshsyz ushý apparattary shabýyl jasaǵany habarlanǵan edі. Osy oqıǵaǵa baılanysty Qasym-Jomart Toqaev óz ustanymyn jarııalady.
Qazaqstan prezıdentі bul árekettі baýyrlas árі odaqtas Ázerbaıjanǵa qarsy jasalǵan qadam retіnde qatań aıyptady.
Sonymen qatar memleket basshysy oqıǵany Iranmen bіrlesіp jan-jaqty tergeý qajet ekenіn aıtty. Toqaev aımaqtaǵy jaǵdaıdyń ýshyǵyp ketýіne jol bermeý úshіn týyndaǵan daýdy dıplomatııalyq tásіlder arqyly retteýge úmіt bіldіrdі.
Material avtory
