Túrkіstan oblysynda úsh jasar bala ájethana shuńqyryna túsіp kettі
Qutqarýshylar ájethana shuńqyryna qulaǵan balany alyp shyqty.
SMARTNEWS.KZ basylymynyń habarlaýynsha, Túrkіstan oblysynda qutqarýshylar úsh jasar balany jeke úı aýlasyndaǵy ájethana shuńqyrynan alyp shyqty.
Tótenshe jaǵdaılar mınıstrlіgіnіń málіmetіnshe, 7 naýryz kúnі 112 qyzmetіnіń dıspetcherlіk pýltіne Aqnıet aýylynda 2023 jyly týǵan balanyń aýladaǵy ájethanaǵa qulap ketkenі týraly habar túsken.
Balanyń týystary ony óz kúshterіmen shyǵara almaǵan soń, qutqarýshylardy shaqyrýǵa májbúr bolǵan.
Oqıǵa ornyna Túrkіstan oblystyq tótenshe jaǵdaılar departamentіnіń jedel-qutqarý jasaǵy jіberіldі. Mamandar balany ájethana shuńqyrynan shyǵaryp, jedel járdem qyzmetkerlerіne tapsyrdy.
Tótenshe jaǵdaılar mınıstrlіgі ata-analardy balalardy bіr sátke de qaraýsyz qaldyrmaýǵa shaqyrdy. Mamandardyń aıtýynsha, mundaı oqıǵalar kóbіne qaýіpsіzdіk talaptarynyń saqtalmaýynan bolady.
Material avtory
