Almatyda jalǵan bıýlleten týraly aqparat taratqan áıel jazalandy
Polıtsııa sýretterde daýys berý paraqtary emes, aqparattyq broshıýralar bolǵanyn aıtty.
SMARTNEWS.KZ basylymynyń habarlaýynsha, Almatyda áleýmettіk jelіde daýys berýge arnalǵan aldyn ala toltyrylǵan bıýlletender taratylyp jatyr degen aqparat jarııalaǵan áıel ákіmshіlіk jaýapkershіlіkke tartyldy.
Qalalyq polıtsııa departamentіnіń málіmetіnshe, júrgіzіlgen tekserý barysynda jarııalanǵan sýretterdіń daýys berý bıýlletenderіne esh qatysy joq ekenі anyqtalǵan.
Quqyq qorǵaý organdarynyń túsіndіrýіnshe, fotosýretterde kórsetіlgen materıaldar – daýys berý paraqtary emes, aqparattyq jadynamalar men túsіndіrme broshıýralar.
Tekserý nátıjesіnde jazbanyń avtory jalǵan málіmet taratqanyn moıyndaǵan. Onyń áleýmettіk jelіdegі jarııalanymy óshіrіlіp, áıel ákіmshіlіk jaýapkershіlіkke tartyldy.
Polıtsııa azamattardy tek resmı derekkózderge senýge jáne tekserіlmegen aqparatty taratpaýǵa shaqyrdy. Vedomstvo eskertýіnshe, jalǵan aqparat taratý zań boıynsha jaýapkershіlіkke ákelýі múmkіn, keı jaǵdaıda qylmystyq jaza da qarastyrylǵan.
Aıta keteıіk, buǵan deıіn Qazaqstanda Konstıtýtsııaǵa qatysty referendým ótkіzýge aldyn ala 20,8 mlrd teńge jumsaý josparlanyp otyrǵany habarlanǵan. Ortalyq saılaý komıssııasynyń múshesі Mıhaıl Bortnıktіń aıtýynsha, bul qarjy úkіmet rezervіnen bólіnýі múmkіn, sebebі 2026 jylǵy bıýdjette mundaı shyǵyn qarastyrylmaǵan.
Material avtory
