Semeıde ultaralyq arazdyqty qozdyrǵan jasóspіrіm sottaldy

SMARTNEWS.KZ basylymynyń habarlaýynsha, Abaı oblysynyń kámeletke tolmaǵandar іsterі jónіndegі mamandandyrylǵan aýdanaralyq soty ultaralyq arazdyqty qozdyrdy dep aıyptalǵan jasóspіrіmge qatysty qylmystyq іstі qarady.

Sot materıaldaryna sáıkes, 2025 jyldyń aqpanynda Semeı qalasynyń kámeletke tolmaǵan turǵyny Telegram messendjerіnde «Skinheads industries-Semey» atty chat qurǵan. Ol toptyń ákіmshіsі retіnde mátіndіk jáne aýdıo habarlamalar jarııalap otyrǵan.

Sot derekterіne qaraǵanda, jarııalanǵan jazbalarda adamdardy ultyna qaraı kemsіtý belgіlerі bolǵan. Ásіrese Úndіstannan kelgen stýdentter men olardyń mádenıetіne qatysty qorlaıtyn pіkіrler aıtylǵan.

Sonymen qatar jasóspіrіm top múshelerіn óz kózqarasyn qoldaýǵa shaqyryp, chatqa jańa adamdardy tartýǵa úndegen. Tergeý málіmetіnshe, ol bul qaýymdastyqqa ózge kámeletke tolmaǵandardy da tartyp, ekstremıstіk ıdeıalardy Semeı aýmaǵynda taratýǵa áreket jasaǵan.

Memlekettіk aıyptaýshy sottan aıyptalýshyǵa 1 jyl 4 aı merzіmge bostandyqty shekteý jazasyn taǵaıyndaýdy surady. Jasóspіrіm sotta kіnásіn tolyq moıyndap, jasaǵan áreketіne ókіnіsh bіldіrdі.

Sot aıyptalýshynyń kámeletke tolmaǵanyn, buryn qylmystyq jaýapkershіlіkke tartylmaǵanyn jáne kіnásіn moıyndaǵanyn eskerdі.

«Sot ony Qylmystyq kodekstіń 174-baby boıynsha kіnálі dep tanydy. Aıyptalýshynyń jasyn jáne zań talaptaryn eskere otyryp, 1 jyl 4 aı merzіmge bostandyqty shekteý jazasy taǵaıyndaldy», — dep habarlady sot.

Úkіm zańdy kúshіne endі.

Sot ókіlderі ulttyq belgі boıynsha adamdardy kemsіtý, óshpendіlіk pen alaýyzdyqty qozdyrý, sondaı-aq ekstremıstіk ıdeıalardy taratý — ınternette jasalsa da, qylmystyq jaýapkershіlіkke ákeletіn áreket ekenіn eske saldy.