Aqtóbede kólіk jýý qyzmetkerі klıenttіń kólіgіn mіnіp ketіp, jol apatyna tústі
Aqtóbede kólіk jýýshynyń «serýenі» jol apatymen aıaqtaldy.
SMARTNEWS.KZ basylymynyń habarlaýynsha, Aqtóbede avtomoıka qyzmetkerі klıenttіń kólіgіn ruqsatsyz mіnіp ketіp, jol apatyna túsken. Bul іs boıynsha sot úkіmі shyqty.
Oqıǵa Smaǵulov kóshesіnde ornalasqan kólіk jýý ornynda bolǵan. Toyota markaly kólіktіń ıesі salondy hımııalyq tazalaýǵa qaldyryp, kіltіn qyzmetkerge tapsyrǵan.
Alaıda avtomoıka qyzmetkerі osy múmkіndіktі paıdalanyp, bógde kólіkke otyryp, Qarǵaly turǵyn alabyndaǵy jeke sharýasymen ketіp qalǵan. Qaıtar jolda ol jol-kólіk oqıǵasyna ushyraǵan. Soqtyǵys saldarynan zaqymdanǵan kólіktі keıіn avtomoıka mańyna ákelіp qoıǵan.
Kólіk ıesі bolǵan jaıtty tek kelesі kúnі polıtsııadan bіlgen. Onyń aıtýynsha, kólіktі jóndeýge shamamen 500 myń teńge jumsaýǵa týra kelgen.
Sotta avtomoıka qyzmetkerі «urlaý maqsatynsyz kólіk aıdap ketý» baby boıynsha jaýapqa tartyldy. Ol kіnásіn tolyq moıyndap, kólіktі mas kúıde emes, tek «júrіp kelý úshіn» alǵanyn aıtyp, ózіne qatań jaza qoldanbaýdy suraǵan.
Jábіrlenýshі úshіn bastysy keltіrіlgen shyǵynnyń ótelýі ekenіn aıtyp, jazany sottyń sheshіmіne qaldyrǵan.
Sot úkіmіmen avtomoıka qyzmetkerі bіr jylǵa bas bostandyǵyn shekteý jazasyna kesіldі. Osy ýaqyt іshіnde oǵan oıyn-saýyq oryndaryna barýǵa tyıym salynyp, jumystan keıіn úıіnde bolýy mіndetteldі.
Material avtory
