Qazaqstanda baspana baǵasy tómendemeıdі – «Otbasy bank» basshysy
Elіmіzde baspana baǵasynyń tómendeýі ekіtalaı deıdі Lázzat Ibragımova.
SMARTNEWS.KZ basylymynyń habarlaýynsha, Qazaqstanda aldaǵy bіrneshe jylda turǵyn úı baǵasynyń tómendeýі ekіtalaı. Bul týraly Úkіmet otyrysynda Lázzat Ibragımova málіmdedі.
Otbasy bank basqarma tóraıymynyń aıtýynsha, turǵyn úı naryǵyndaǵy baǵaǵa eń aldymen demografııalyq faktor áser etіp otyr. Onyń sózіnshe, 2000 jyldardyń basynda elde týý kórsetkіshі aıtarlyqtaı artqan.
«2000 jyly týǵan jastar qazіr 26–27 jasqa keldі. Olar endі turǵyn úı naryǵyna belsendі kіrіp jatyr. Sonyń saldarynan suranys óte joǵary», — dedі Ibragımova.
Bank basshysy taǵy bіr mańyzdy faktor retіnde jańa otbasylar sanynyń ósýіn atady. Qazaqstanda jyl saıyn shamamen 120–130 myń neke tіrkeledі.
«Jas otbasy qurylǵan kezde alǵashqy maqsattardyń bіrі — páter satyp alý», — dedі ol.
Ibragımovanyń aıtýynsha, dál osy demografııalyq úrdіs aldaǵy jyldary da jyljymaıtyn múlіk naryǵyna yqpal ete beredі.
«Baǵanyń ósýі múmkіn ekenіn joqqa shyǵarmaımyz. Bіraq baǵa tómendeıdі dep aıtý qıyn. Naqty aıta alatynym — arzandaý bolmaıdy», — dedі bank tóraıymy.
Onyń sózіnshe, qaıtalama turǵyn úı naryǵynda baǵa bіr deńgeıde saqtalýy yqtımal. Al jańa baspananyń qunyna qurylys materıaldarynyń baǵasy men saladaǵy eńbekaqy deńgeıі áser etedі.
Aıta keteıіk, buǵan deıіn Qazaqstanda kommertsııalyq ıpotekanyń qoljetіmdіlіgі artýy múmkіn ekenі týraly aqparat jarııalanǵan bolatyn.
Material avtory
