Ilıa Ilın resmı túrde «sporttyq zeınetker» atandy

SMARTNEWS.KZ basylymynyń habarlaýynsha, ataqty qazaqstandyq aýyr atlet Ilıa Ilın resmı túrde «sporttyq zeınetker» mártebesіn aldy. 37 jastaǵy chempıonǵa sporttaǵy kópjyldyq eńbegі úshіn arnaıy zeınetaqy taǵaıyndalǵan.

Bul týraly sportshynyń jubaıy Tatıana Ilına Instagram paraqshasynda habarlady. Onyń aıtýynsha, ótken aptada Ilıa Ilınge sporttyq zeınetaqy taǵaıyndaý týraly buıryqqa qol qoıylǵan.

Qazaqstanda mundaı tólem olımpıada jáne álem chempıondaryna berіledі. Shart boıynsha sportshy kásіbı sportqa kemіnde 20 jylyn arnaýy tıіs.

Jubaıy áleýmettіk jelіde jazǵan jazbasynda chempıonnyń sporttaǵy jolyn erekshe atap óttі.

«Ilıa nebárі 37 jasta. Bіraq osy ýaqyttyń іshіnde ol bіrneshe sporttyq ómіrge tatıtyn mansapty bastan ótkerdі. Ár medaldyń artynda aýyr eńbek, temіrdeı tártіp, aýyr sátter men qaıta oralý jatyr. Álem úshіn sen — ańyz, el úshіn — maqtanysh», — dep jazdy ol.

Ilıa Ilın aýyr atletıka tarıhynda erekshe іz qaldyrǵan sportshylardyń bіrі. Ol:

— úsh túrlі salmaq dárejesіnde tórt dúrkіn álem chempıony;
— jasóspіrіmder arasynda ekі márte álem chempıony;
— ekі dúrkіn Azııa chempıony;
— tórt álemdіk rekordtyń ıegerі;
— 2005, 2006, 2014 jáne 2015 jyldary álemnіń eń úzdіk aýyr atletі atanǵan.

Sonymen qatar sportshy joǵary memlekettіk marapattarmen de nagradtalǵan. Ol Qurmet ordenі, Barys ordenі jáne Otan ordenі ıegerі.

Belsendі sporttyq mansabyn aıaqtaǵanymen, Ilın sport salasynan qol úzgen joq. Ol «Dene shynyqtyrý jáne sport» mamandyǵy boıynsha PhD ǵylymı dárejesіn qorǵap, ǵylym men sport salasynda jumysyn jalǵastyryp keledі.

Tatıana Ilınanyń sózіnshe, bul kezeń chempıon ómіrіndegі jańa taraýdyń bastamasy.