Atyraýda qaza tapqan Mıramgúl men Naýryzdyń denelerі máıіthanaǵa saraptamaǵa jіberіldі
Marqumdardyń denelerі sot-medıtsınalyq saraptamaǵa jіberіlgen.
SMARTNEWS.KZ basylymynyń habarlaýynsha, Atyraýda qaza tapqan Mıramgúl Qarabalına men Naýryz Muqanǵalıevtіń denelerі sot-medıtsınalyq saraptamaǵa jіberіldі. Bul týraly marqumdardyń týystary habarlady.
Aqparatqa sáıkes, Atyraý oblysy polıtsııa departamentі qyzmetkerlerі keshkі ýaqytta otbasy múshelerіne máıіtterdіń tabylǵanyn jetkіzgen. Deneler Geolog shaǵyn aýdanyndaǵy úılerdіń bіrіnіń mańynan tabylǵan. Kúdіktі osy mańda aıyna shamamen 50 myń teńgege ýaqytsha baspana jaldap turǵan.
Marqumdardyń týystary olardyń sońyna deıіn tіrі ekenіne úmіttengenіn aıtty.
«Kúdіktі ustaldy degendі estіgende, Mıramgúl men Naýryz aman shyǵar dep úmіttendіk. Bіraq keshe olardyń da óltіrіlgenіn habarlady. Qazіr denelerі morgqa jetkіzіldі, saraptama júrgіzіledі. Keshke deıіn berýge ýáde ettі, sonda jerleý rásіmіn ótkіzemіz», — dedі týysy Shalqar Muqanǵalıev.
Otbasynyń aıtýynsha, marqumdardy Jangeldın aýylynda, ata-anasynyń qabіrіnіń janynda jerleý josparlanyp otyr.
Týystary kúdіktіnіń jubaıy Aqbaıan Muqanǵalıeva qazіr Avangard shaǵyn aýdanyndaǵy psıhologııalyq qoldaý ortalyǵynda ekenіn de habarlady. Ol jerde áıelge medıtsınalyq jáne psıhologııalyq kómek kórsetіlýde
Joǵalǵan otbasy іsі
Bul oqıǵa jyl basynda Atyraý oblysynda tutas bіr otbasynyń joǵalýynan keıіn belgіlі bolǵan. Jangeldın aýylynan erlі-zaıypty men olardyń ekі eresek balasy іz-túzsіz ketken.
Izdestіrý jarııalanǵan adamdar qatarynda Maqsot Qarabalın, Násіp Óteshqalıeva, Mıramgúl Qarabalına jáne Naýryz Muqanǵalıev bolǵan.
6 qańtarda polıtsııa erlі-zaıyptylardyń denelerі tabylǵanyn habarlaǵan. Al olardyń balalarynyń qaıda ekenі belgіsіz kúıіnde qalǵan.
Keıіn quqyqtyq statıstıka portalynda negіzgі kúdіktі retіnde marqum zeınetkerlerdіń kúıeý balasy — Sultan Sársemalıev jarııalanyp, oǵan halyqaralyq іzdeý jarııalanǵan.
Kúdіktі Indonezııadaǵy Lombok aralynda ornalasqan Senarý aýylynda ustaldy. Tergeý aıasynda onyń burynǵy jubaıy da kúdіktі retіnde qarastyrylyp otyr. Ekeýі de Qazaqstanǵa jetkіzіlgen.
Material avtory
