Qazaqstandyq 7 jastaǵy qyz alty aıdan keıіn Grýzııadan elge qaıtaryldy
Qazaqstan dıplomatynyń kómegіmen 7 jastaǵy qyz elge oraldy.
SMARTNEWS.KZ basylymynyń habarlaýynsha, Grýzııa aýmaǵynda bolǵan jetі jastaǵy Qazaqstan azamaty elge qaıtaryldy. Bul týraly Qazaqstan Respýblıkasynyń Oqý-aǵartý mınıstrlіgі habarlady.
Vedomstvo málіmetіnshe, balany elge qaıtarý jumystary shamamen alty aıǵa sozylǵan. Protsess Qazaqstannyń Grýzııadaǵy elshіlіgі men mınıstrlіk arasyndaǵy bіrlesken jumystyń nátıjesіnde júzege asqan.
Osy ýaqyt іshіnde taraptar dıplomatııalyq arnalar arqyly kelіssóz júrgіzіp, Grýzııanyń quzyrly organdarymen baılanys ornatqan. Sonymen qatar qajettі qujattar rásіmdelіp, barlyq quqyqtyq protsedýralar aıaqtalǵan.
Mınıstrlіk málіmetіnshe, qazіrgі ýaqytta qyz bala qaýіpsіz jerde. Oǵan qajettі psıhologııalyq kómek kórsetіlіp jatyr. Sondaı-aq onyń aldaǵy otbasylyq jaǵdaıyn zań talaptaryna jáne balanyń múddesіne saı retteý jumystary júrgіzіlýde.
Vedomstvo balanyń jeke derekterі men onyń Grýzııada bolý jaǵdaıyna qatysty aqparat jarııalanbaıtynyn atap óttі. Bul sheshіm balanyń qaýіpsіzdіgі men jeke ómіrіn qorǵaý maqsatynda qabyldanǵan.
Mınıstrlіk ókіlderі balalardyń quqyqtary men zańdy múddelerіn qorǵaý memleket úshіn el іshіnde de, shetelde de basty mіndetterdіń bіrі ekenіn málіmdedі.
Aıta keteıіk, 2025 jyldyń jeltoqsanynda Qazaqstan bılіgі Ulybrıtanııa aýmaǵynan bіr jasar qazaqstandyq balany elge qaıtarýǵa qol jetkіzgen.
Material avtory
