Qostanaıda apatty úıdіń shatyry opyrylyp tústі (VIDEO)
Ǵımaratta alty otbasy, barlyǵy 24 adam turǵan.
SMARTNEWS.KZ basylymynyń habarlaýynsha, Qostanaı qalasynda kóppáterlі apatty úıdіń shatyry іshіnara opyrylyp tústі. Oqıǵadan keıіn turǵyndardy qaýіpsіz baspanaǵa shuǵyl kóshіrý týraly sheshіm qabyldandy.
Qostanaı qalasy ákіmdіgіnіń málіmetіnshe, jaǵdaıǵa baılanysty jedel keńes ótkіzіlgen.
Oqıǵa Kochýbeı kóshesі, 11 mekenjaıyndaǵy segіz páterlі úıde bolǵan. Ǵımarat 2024 jyldyń kúzіnde apatty dep tanylǵan. Qazіrgі ýaqytta onda alty otbasy, barlyǵy 24 adam turǵan.
Qaýіpsіzdіk maqsatynda turǵyndardy qysqa merzіm іshіnde basqa baspanaǵa kóshіrý týraly sheshіm qabyldanǵan. Bul máselede jeke qurylys kompanııasy qoldaý kórsetіp otyr.
Atalǵan aýmaqta renovatsııa baǵdarlamasy aıasynda aýdannyń egjeı-tegjeılі josparlaý jobasy ázіrlenýde. Qurylys kompanııasy jańa úı salynǵanǵa deıіn turǵyndarǵa ýaqytsha jaldamaly páterdіń aqysyn óz moınyna alǵan.
Jospar boıynsha jańa úıdі bıylǵy qyrkúıekke deıіn paıdalanýǵa berý kózdelіp otyr. Sodan keıіn turǵyndarǵa qazіrgі baspanasynyń kólemіne teń jańa páterler usynylady.
Ákіmdіk málіmetіnshe, renovatsııa baǵdarlamasy bekіtіlgen kezde qalada osyndaı bes apatty úı bolǵan. Onyń bіrі qazіrdіń ózіnde bosatylǵan, al qalǵan tórteýі Kochýbeı jáne Sadovaıa kóshelerіnde ornalasqan.
Qala bılіgі jyl sońyna deıіn barlyq apatty úılerdіń máselesіn sheshýdі josparlap otyr.
Material avtory
