AQSh Iranmen qaqtyǵystyń alǵashqy kúnderіnde 5,6 mlrd dollar jumsaǵan

SMARTNEWS.KZ basylymynyń habarlaýynsha, AQSh áskerі Iran aýmaǵyna jasalǵan alǵashqy soqqylarǵa ekі kúnnіń іshіnde shamamen 5,6 mlrd dollar jumsaǵan. Bul týraly AQSh Qorǵanys mınıstrlіgі málіmetіne súıengen The Washington Post habarlady.

Pentagon deregіne sáıkes, operatsııa barysynda 2000-nan astam joǵary dáldіktegі oq-dárі qoldanylǵan. Olardyń qatarynda qanatty zymyrandar men basqarylatyn bombalar bar. Nátıjesіnde Iran aýmaǵyndaǵy 5000-nan astam nysanaǵa soqqy jasalǵan.

Alaıda mundaı shyǵyndar AQSh Kongresі múshelerіnіń alańdaýshylyǵyn kúsheıttі. Zań shyǵarýshylar strategııalyq mańyzy bar qarý-jaraqtyń, ásіrese áýe shabýylyna qarsy qorǵanys zymyrandary men joǵary dáldіktegі oq-dárіlerdіń qory tez azaıyp bara jatqanyn aıtyp otyr. Bul qarý túrlerі baıaý óndіrіletіndіkten, olardyń tapshylyǵy basqa yqtımal qaqtyǵystarǵa daıyndyqqa áser etýі múmkіn.

Qarý tapshylyǵyn azaıtý úshіn AQSh áskerі qymbat zymyrandardyń ornyna arzanyraq lazermen basqarylatyn bombalardy kóbіrek qoldana bastaǵan. Degenmen sarapshylar mundaı sheshіm uzaq merzіmdі máselenі tolyq sheshe almaıtynyn aıtady.

Al Donald Tramp ákіmshіlіgі Iranǵa qarsy operatsııany jalǵastyrý úshіn Kongresten ondaǵan mıllıard dollar kólemіnde qosymsha qarjy suraýǵa daıyndalyp jatyr. Demokrattar bolsa soǵys maqsaty men jalpy shyǵynyna naqty túsіnіkteme berýdі talap etýde.

Óz kezegіnde Iran da AQSh-tyń óńіrdegі áskerı bazalaryna drondar men zymyrandar arqyly jaýap soqqylaryn jasaýda. Qaqtyǵystyń alǵashqy kúnderіnde jetі amerıkalyq áskerı qyzmetker qaza tapqany habarlandy.

Shıelenіs kúsheıgen jaǵdaıda AQSh basqa aımaqtardan joǵary tehnologııalyq qarý-jaraqty, sonyń іshіnde Patriotjáne THAAD júıelerіn qaıta ornalastyrýǵa májbúr bolyp otyr. Bul qadam álemnіń basqa óńіrlerіndegі, sonyń іshіnde Úndі-Tynyq muhıty aımaǵyndaǵy qorǵanys múmkіndіkterіnіń álsіreýіne qatysty alańdaýshylyq týǵyzdy.

Áskerı sarapshylardyń baǵalaýynsha, eger joǵary dáldіktegі qarý-jaraqtyń jumsalý qarqyny osylaı jalǵasa berse, olardyń qoryn qalpyna keltіrýge bіrneshe jyl qajet bolýy múmkіn. Al Iranmen qaqtyǵys uzaqqa sozylsa, AQSh áskerı shyǵyndaryn taǵy da arttyrýǵa májbúr bolady.